----
අසන ලද දිනය
2024-08-08
අසන ලද්දේ
ගරු නලින් බණ්ඩාර ජයමහ මහතා, පා.ම.
අමාත්යාංශය
ක්රීඩා හා යෞවන කටයුතු
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ නවවැනි පාර්ලිමේන්තුව
සභාවාරය
5 වැනි සභාවාරය
(අ) (i)
i. විශ්රාමික මහාධිකරණ විනිසුරු සරෝජිනී කුසලා වීරවර්ධන මහත්මිය - (සභාපති)
ii. විශ්රාමික අමාත්යාංශ ලේකම් කිංස්ලි ප්රනාන්දු මහතා - (සාමාජික)
iii. විශ්රාමික නියෝජ්ය පොලිස්පති සුදත් නාගහමුල්ල මහතා - (සාමාජික)
iv. විශ්රාමික රියර් අද්මිරාල් ආනන්ද පීරිස් මහතා - (සාමාජික)
v. ක්රිකට් ක්රීඩක නලින් ද අල්විස් මහතා - (සාමාජික)
(ii) i. ධනුෂ්ක ගුණතිලක මහතා (ක්රීඩක)
චෝදනාව - ඕස්ට්රේලියාවේ පදිංචි කාන්තාවකට ලිංගික අතවර සිදු කිරීම.
ii. චාමික කරුණාරත්න මහතා (ක්රීඩක)
චෝදනාව - ඕස්ට්රේලියාවේ නවාතැන් ගත් හෝටල් කාමරය තුළ පහනක් දැල්වීම හා කැසිනෝ ශාලාවකදී පුද්ගලයෙකු සමඟ ඇති කරගත් ආරාවුල.
iii. වනිඳු හසරංග, කුසල් මෙන්ඩිස්, ජෙෆ්රි වැන්ඩසෙ සහ අෂේන් බණ්ඩාර (ක්රීඩක)
චෝදනාව - හෝටලයට පැමිණිය යුතු නියමිත කාල සීමාව වූ රාත්රී 11.45 වේලාව කඩ කරමින් පසුදින උදෑසන 12.35ට පැමිණ ඇත.
iv. මහේල ජයවර්ධන මහතා (නිලධාරි)
චෝදනාව - ශ්රී ලංකා ක්රිකට් ආයතනයේ වියදමින් ඕස්ට්රේලියාවට ගොස් එහි 'මිනිස්ට්රි ඔෆ් ක්රැබ්ස්' නම් අවන්හල විවෘත කර තිබීම.
v. ශ්රී ලංකා ක්රිකට් ආයතනයේ විධායක කමිටුව
චෝදනාව - ශ්රී ලංකා ක්රිකට් ආයතනයේ වියදමින් නිලධාරින් දහසයදෙනෙකු තරග සංචාරය සඳහා සහභාගි වී ඇත්තේ, 'ඕස්ට්රේලියා ගමන සඳහා වන වියදම් අවම මට්ටමකින් පවත්වන ලෙසට' ක්රීඩා හා යෞවන කටයුතු අමාත්යාංශ ලේකම්වරයා විසින් ශ්රී ලංකා ක්රිකට් ආයතනයේ ලේකම්වරයාට දැනුම් දී ඇති අවස්ථාවකදීය.
vi. ජෙරොම් ජයරත්න මහතා (නිලධාරි)
චෝදනාව - ශ්රී ලංකා ක්රිකට් ආයතනයේ වියදමින් මොහු ඕස්ට්රේලියාවේ උසස් කාර්ය සාධන මධ්යස්ථානයේ ක්රියාකාරීත්වය නිරීක්ෂණය කිරීම සහ තරග නැරඹීම සඳහා ගිය බව පැවසුවත් මොහු ශ්රී ලංකා ක්රිකට් ආයතනයේ එම තනතුරු නොදැරූ බව හා ඔහු ශ්රී ලංකා ක්රිකට්හි ප්රධාන මෙහෙයුම් නිලධාරි පමණක් වන බවට කරුණු අනාවරණය වී ඇත. ශ්රී ලංකා ක්රිකට් ආයතනයේ විධායක කමිටුව විසින් ගත් තීරණයකට අනුව මොහු දින 10ක් ඕස්ට්රේලියාවේ සංචාරය කර ඇත. සංචාරය පුරාවට ඔහු කිසිදු රාජකාරි කටයුත්තක යෙදී නොමැත.
vii. ලියනගේ ලසන්ත සදානන්ද වික්රමසිංහ මහතා (නිලධාරි)
චෝදනාව - අයි.සී.සී. ආයතනය විසින් කළ ආරාධනයක් පරිදි, මූල්ය ප්රධානීන්ගේ කමිටු රැස්වීමට සහභාගි වීම සඳහා ගියද, මොහු ඒ සඳහා එම කමිටු රැස්වීම ඇරඹීමට දින 10කට ප්රථම ඕස්ට්රේලියාවට ගොස් තිබීම සහ ඔහු ලබාගෙන ඇත්තේ ව්යාපාරික පන්තියේ ප්රවේශ පත්රයක් නොව පළමු පන්තියේ ගුවන් ගමන් ප්රවේශ පත්රයක් වීම.
viii. මලික් ෂවීර් මහතා (නිලධාරි)
චෝදනාව - 2022 අයි.සී.සී. T-20 ලෝක කුසලාන (පිරිමි) ක්රිකට් තරගාවලියට උපහාර පිදීම වෙනුවෙන් ඕස්ට්රේලියාවේ මෙල්බර්න් නුවරදී ශ්රී ලංකා ක්රිකට් ආයතනය විසින් සූදානම් කර තිබූ නිල උත්සවය සඳහා පිළියෙල කළ රාත්රී භෝජන සංග්රහයේදී, මොහු විසින් ප්රවේශ පත්ර අළෙවි කිරීමක් සිදු කර ඇති නමුත්, ඉන් ලැබුණු ආදායම් සම්බන්ධයෙන් වූ ගිණුම් ලබා දී නොතිබීම.
(iii)
32(අ) සංගමයේ නිලධාරින්ගේ හෝ සාමාජිකයන්ගේ දූෂණ විෂමාචාරතා හෝ අක්රමිකතා යමක් සඳහා ප්රතිකර්ම යොදන ලෙස අමාත්යාංශයේ ලේකම්වරයා විසින් ලිඛිත නිවේදනයන් මඟින් දැනුම් දෙනු ලැබූ විට ඒ නිවේදනයේ සඳහන්ව තිබිය හැකි කාලය තුළ දී එසේ ප්රතිකර්ම යෙදීමට අපොහොසත්වීම හෝ ප්රතිකර්ම යෙදීම නොසලකා හැරීම නිසා හෝ,
(ආ) අමාත්යාංශයේ ප්රතිපත්ති ක්රියාත්මක කිරීමෙහිලා අකර්මණ්යව සිටීම සහ සහයෝගය නොදීම හෝ අවහිර කිරීම නිසා හෝ
(ඇ) සංගමයේ යුතුකම් හා කාර්යයන් ඉටු කිරීම පැහැර හැරීම නිසා ජාතික ක්රීඩා සංගමයක් ලියාපදිංචි කිරීම ශක්තිමත් කිරීම හෝ එහි ලියාපදිංචිය අත්හිටුවීම හෝ අවලංගු කිරීම අමාත්යවරයාට සිදු කළ හැකි බවට නිර්දේශ කර ඇත.
(iv) i. මෙම වාර්තාවේ නිර්දේශ කඩිනමින් ක්රියාත්මක කිරීම සම්බන්ධයෙන් අවශ්ය නෛතික උපදෙස් හා නිර්දේශ විමසා ගරු නීතිපතිතුමා වෙත 2023.01.18 දිනැති ලිපිය යොමු කර ඇත.
ii. නීතිපති උපදෙස් ලබා දී නීතිපති දෙපාර්තමේන්තුව විසින් 2023.01.27 දිනැති ලිපිය ඉදිරිපත් කර ඇත.
iii. නීතිපති උපදෙස් අනුව එම වාර්තාව විගණකාධිපතිතුමා වෙත 2023.01.18 දිනැති ලිපිය මඟින් ද, ජ්යෙෂ්ඨ සහකාර විගණකාධිපතිතුමා වෙත 2023.01.26 දිනැති ලිපිය මඟින් ද යොමු කර ඇත.
iv. මෙම වාර්තාව ඉදිරි පරීක්ෂණ කටයුතු වෙනුවෙන් ක්රීඩාවලට සම්බන්ධ වැරදි වැළැක්වීමේ විශේෂ විමර්ශන ඒකකය වෙත 2023.10.03 දිනැති ලිපිය මඟින් යොමු කර ඇත.
ඉහත "2022 ජාත්යන්තර ක්රිකට් කවුන්සලයේ T-20 ලෝක කුසලානය (පිරිමි) තරගාවලිය ආශ්රිත විශේෂ විගණනය" සම්බන්ධව විගණකාධිපති විසින් නිකුත් කරන ලද විගණන වාර්තාව පිළිබඳව වැඩිදුරටත් වෝහාරික විගණනයක් සිදු කරන ලෙස මා විසින් ඉල්ලීමක් 2023.12.21 දින සිදු කරන ලද නමුත් විගණකාධිපතිවරයාගේ විගණන නිරීක්ෂණයන් හා විගණන නිර්දේශයන් පාර්ලිමේන්තුවේ සභාගත කිරීම මේ වනවිට අවසන්ව ඇති බැවින් තවදුරටත් වෝහාරික විගණනයක් අවශ්ය නොවන බවට හා වැඩිමනත් වශයෙන් අවශ්ය වේ නම් අල්ලස් හෝ දූෂණ චෝදනා විමර්ශන කොමිෂන් සභාව වෙත හෝ අපරාධ පරීක්ෂණ දෙපාර්තමේන්තුව වැනි ආයතන වෙත යොමු කිරීම සුදුසු බව විගණකාධිපති විසින් දන්වා එවා ඇත.
(ආ) අදාළ නොවේ.
පිළිතුරු දුන් දිනය
2024-08-08
විසින් පිළිතුරු දෙන ලදී
ගරු ප්රසන්න රණතුංග මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
