1877/2024
ගරු රෝහිණි කුමාරි විජේරත්න මහත්මිය,— වනජීවී හා වන සම්පත් සංරක්ෂණ අමාත්යතුමියගෙන් ඇසීමට,—
(අ) (i) මොරගහකන්ද ව්යාපෘතිය හේතුවෙන් මාතලේ දිස්ත්රික්කයේ, එම ව්යාපෘතිය අවට පිහිටා ඇති ගම් රැසක ජනතාව වනඅලි තර්ජනයට මුහුණ දී සිටින බව දන්නේද;
(ii) එම ගම්මානවල නම් කවරේද;
(iii) එම ගම්මානවල ජීවත් වන මේ වනවිට වනඅලි තර්ජනයට මුහුණ දී සිටින පවුල් සංඛ්යාව එක් එක් ගම්මානය අනුව වෙන් වෙන් වශයෙන් කොපමණද;
(iv) එම වනඅලි තර්ජනය විසඳීම සඳහා ගනු ලබන පියවර කවරේද;
යන්න එතුමිය මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2024-05-10
අසන ලද්දේ
ගරු රෝහිණි කුමාරි විජේරත්න මහත්මිය, පා.ම.
අමාත්යාංශය
වනජීවී හා වනසම්පත් සංරක්ෂණ
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ නවවැනි පාර්ලිමේන්තුව
සභාවාරය
5 වැනි සභාවාරය
ගරු කථානායකතුමනි, එම ප්රශ්නයට පිළිතුර මෙසේයි.
(අ) (i) ඔව්.
මොරගහකන්ද ව්යාපෘතිය ක්රියාත්මක කිරීමේදී වන අලි වාසස්ථාන ලෙස පැවති අතිවිශාල බිම් ප්රදේශයක් මොරගහකන්ද ජලාශයට යට වීමත්, නව සංවර්ධන කලාප සඳහා ස්වාභාවික පරිසර පද්ධති එළි පෙහෙළි කර භූමි පරිභෝජන රටාව වෙනස් කිරීමත් හේතු කොට ගෙන, මාතලේ දිස්ත්රික්කයේ එම ප්රදේශවල වාසය කළ වනඅලින්ගේ වාසස්ථාන අහිමි වීමක් සිදු විය. ඊට අමතරව මොරගහකන්ද ජලාශය සහ නව සංවර්ධන කලාප නිසා, එම ප්රදේශ වාසස්ථාන කොට ගත් වන අලින් වෙනත් ප්රදේශ කරා සංචරණය කිරීමට යොදා ගත් ස්වාභාවික මංපෙත්වල පැවැත්මට බාධා ඇති වීම හේතුවෙන් එම වනඅලින්ගේ සාමාන්ය සංචරණ රටාව බරපතළ වෙනස්කම්වලට ලක් විය. එම තත්ත්වය පුරෝකථනය කර අදාළ පාරිසරික ඇගයීම් ක්රියාවලියේදී ගැටලු සඳහා ප්රතිකර්ම ලෙස නිර්දේශ කර තිබූ වනඅලිමංකඩවලින් ජනතාව ඉවත් කර ඒවා නිදහස් කිරීම වැනි ක්රියාකාරකම් ඉටු නොකිරීම මාතලේ දිස්ත්රික්කයේ වන අලි මිනිස් ගැටුම තීව්ර වීමට හේතුකාරක විය. මේ ප්රදේශයේ වනඅලින්ට වූ හානි මෙන්ම, මිනිස් ජීවිත හානි, දේපළ හානි සංඛ්යාව සඳහන් වාර්තාව ඇමුණුම 01 හා 02 මඟින් ඉදිරිපත් කරමි.
(ii) ඇමුණුම 03 පරිදි වේ. වනඅලි මිනිස් ගැටලු පවත්නා ගම්මාන ලෙස වනජීවී නිලධාරින් එම ගම්මාන හඳුනාගෙන ඇත.
(iii) ඇමුණුම 04 පරිදි වේ.
(iv) ඔව්.
01 සිට 05 දක්වා ඇමුණුම් සභාගත* කරමි.
(ආ) අදාළ නොවේ.
පිළිතුරු දුන් දිනය
2024-08-06
විසින් පිළිතුරු දෙන ලදී
ගරු නීතිඥ පවිත්රාදේවී වන්නිආරච්චි මහත්මිය, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
