613/2024
ගරු ජයන්ත සමරවීර මහතා,— මුදල්, ආර්ථික ස්ථායිකරණ සහ ජාතික ප්රතිපත්ති අමාත්යතුමාගෙන් ඇසීමට,—
(අ) (i) 2023.01.01 දින වනවිට සුරාබදු දෙපාර්තමේන්තුව විසින් නිකුත් කර ඇති මත්පැන් බලපත්ර සංඛ්යාව කොපමණද;
(ii) ශ්රී ලංකාවේ මේ වනවිට ඇති මත්පැන් බලපත්ර වර්ග කවරේද;
(iii) එම එක් එක් මත්පැන් බලපත්ර වර්ගය සඳහා ලබා දී ඇති බලපත්ර සංඛ්යාව වෙන් වෙන් වශයෙන් කොපමණද;
(iv) 2023.01.01 දින සිට 2024.01.01 දින දක්වා ලබා දී ඇති මත්පැන් බලපත්ර සංඛ්යාව කොපමණද;
(v) එම සංඛ්යාව, මේ වනවිට ලබා දී ඇති මුළු මත්පැන් බලපත්ර සංඛ්යාවේ ප්රතිශතයක් ලෙස කොපමණද;
(vi) එම ප්රතිශතය, එක් එක් මත්පැන් බලපත්ර වර්ගය අනුව වෙන් වෙන් වශයෙන් කොපමණද;
යන්න එතුමා මෙම සභාවට දන්වන්නෙහිද?
(ආ) (i) මත්පැන් සුලභ වීම, මත්පැන් පරිභෝජනය ඉහළ යෑමට ප්රධාන හේතුවක් බවත්;
(ii) එමඟින් මත්පැන් ආශ්රිත රෝග ඉහළ යාමෙන් සෞඛ්ය සඳහා වෙන් කළ යුතු මුදල ඉහළ යන බවත්;
එතුමා පිළිගන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2024-04-09
අසන ලද්දේ
ගරු ජයන්ත සමරවීර මහතා, පා.ම.
අමාත්යාංශය
මුදල්, ආර්ථික ස්ථායීකරණ සහ ජාතික ප්රතිපත්ති
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ නවවැනි පාර්ලිමේන්තුව
සභාවාරය
5 වැනි සභාවාරය
(අ) (i) 2023.01.01 දින වන විට සුරාබදු දෙපාර්තමේන්තුව විසින් ලබා දී ඇති මත්පැන් බලපත්ර සංඛ්යාව ගැනයි මේකෙන් අහන්නේ.
මත්පැන් බලපත්ර වර්ග 30කට ආසන්න ප්රමාණයක් තිබෙනවා. ඒ සියල්ලට අදාළව ගත්තොත්, 2023.01.01වන විට බලපත්ර 5,516ක් ලබා දී තිබෙනවා.
(ii) මත්පැන් බලපත්ර වර්ග 30ක් තිබෙනවා. මම හිතනවා, ඒ එකින් එක කියවන්න අවශ්ය නැහැ කියලා. අවශ්ය නම් එය කියවන්න මට පුළුවන්. බලපත්ර වර්ග ගැනයි මම කිව්වේ. ඒවා ඇමුණුම 01හි සඳහන් වෙනවා.
(iii) ඒ බලපත්ර වර්ග 30ට අදාළව ලබා දී ඇති බලපත්ර සංඛ්යාව ඇමුණුම 02හි වෙන් වෙන් වශයෙන් සඳහන් කර තිබෙනවා.
පිළිතුරු දුන් දිනය
2024-05-09
විසින් පිළිතුරු දෙන ලදී
ගරු රංජිත් සියඹලාපිටිය මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
