3720/2023
ගරු බී. වයි. ජී. රත්නසේකර මහතා,— අධ්යාපන අමාත්යතුමාගෙන් ඇසීමට ,—
(අ) (i) වර්ෂ 2019 සිට 2022 දක්වා අ.පො.ස. (උසස් පෙළ) විභාගයට අයදුම් කරන ලද අයදුම්කරුවන් සංඛ්යාව සහ එම විභාගයට පෙනී සිටි අපේක්ෂකයන් සංඛ්යාව එක් එක් වර්ෂය අනුව වෙන් වෙන් වශයෙන් කොපමණද;
(ii) අයදුම්කරුවන් අතරින් විශාල පිරිසක් අ.පො.ස. (උසස් පෙළ) විභාගයට පෙනී නොසිටින බව පිළිගන්නේද;
(iii) එසේ නම්, ඊට හේතු කවරේද;
යන්න එතුමා මෙම සභාවට දන්වන්නෙහිද?
(ආ) (i) නව අධ්යාපන ප්රතිසංස්කරණ ක්රියාත්මක කිරීමට අපේක්ෂා කරනු ලබන වර්ෂය කවරේද;
(ii) නව අධ්යාපන ප්රතිසංස්කරණ යටතේ අ.පො.ස. (සාමාන්ය පෙළ) සහ අ.පො.ස. (උසස් පෙළ) විභාග සම්බන්ධයෙන් සිදු කිරීමට අපේක්ෂිත ප්රධාන ප්රතිසංස්කරණ කවරේද;
යන්නත් එතුමා මෙම සභාවට දන්වන්නෙහිද?
(ඇ) (i) මේ වනවිට ශ්රී ලංකාවේ රජයේ පාසල්වල පවතින ගුරු හිඟය කොපමණද;
(ii) එම ගුරු හිඟය මගහැරවීම සඳහා ගනු ලබන ක්රියාමාර්ග කවරේද;
යන්න තවදුරටත් එතුමා මෙම සභාවට දන්වන්නෙහිද?
(ඈ) නොඑසේ නම්, ඒ මන්ද?
අසන ලද දිනය
2023-12-11
අසන ලද්දේ
ගරු බී. වයි. ජී. රත්නසේකර මහතා, පා.ම.
අමාත්යාංශය
අධ්යාපන
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ නවවැනි පාර්ලිමේන්තුව
සභාවාරය
4 වැනි සභාවාරය
* සභාමේසය මත තබන ලද පිළිතුර:
* சபாபீடத்தில் வைக்கப்பட்ட விடை :
* Answer tabled:
(අ) (i)
|
විභාගය පැවති වර්ෂය |
අයදුම්කරුවන් සංඛ්යාව |
පෙනී සිටි සිසුන් සංඛ්යාව |
පෙනී නොසිටි සිසුන් සංඛ්යාව |
පෙනී නොසිටි සංඛ්යාව අයදුම්කළ සංඛ්යාවෙහි ප්රතිශතයක් ලෙස |
|
2019 |
337,704 |
209,328 |
47,376 |
14.0% |
|
2020 |
362,824 |
311,157 |
51,667 |
14.2% |
|
2021 |
345,242 |
283,617 |
61,625 |
17.8% |
|
2022 |
331,709 |
274,305 |
57,404 |
17.3% |
(ii) ඔව්.
(iii) 2020 වසර ආරම්භයේ සිට කොරෝනා වසංගත තත්ත්වය ශ්රී ලංකාව තුළද ශීඝ්රයෙන් පැතිරී යාම මඟින් රටෙහි සියලු අංශ කෙරෙහි දැඩි ලෙස බලපෑමක් සිදු කරනු ලැබිණ. මෙමඟින් රටෙහි සියලු ක්ෂේත්රවල ඇති වූ පසුබෑම අධ්යාපන ක්ෂේත්රය කෙරෙහිද බලපෑ අතර 2021 හා 2022 වසරවල අපොස (උසස් පෙළ) විභාගයට පෙනී නොසිටි සිසුන්ගේ ප්රතිශතයෙහි සුළු වැඩිවීම කෙරෙහි ඉහත කරුණුද බලපා ඇති බව පෙනී යයි.
(ආ) (i) ජාතික අධ්යාපන ප්රතිපත්ති රාමුවේ සංශෝධිත කෙටුම්පත, 2023.10.26 වන දිනැතිව අමාත්ය මණ්ඩලයේ අවධානයට යොමු කරමින් අදාළ අනුමැතිය ලබා ගන්නා ලදී. ඉන් අනතුරුව, එය පාර්ලිමේන්තුවේ අධ්යාපනය පිළිබඳ ආංශික අධීක්ෂණ කාරක සභාවේ සමාලෝචනයට හා පාර්ලිමේන්තුවේ අනුමැතිය පිණිස ඉදිරිපත් කරනු ලැබේ. අදාළ අනුමැතියෙන් වසරක් ඇතුළත ඒ සඳහා කළ යුතු නීති සම්පාදනය හෝ පවතින අණ පනත් සංශෝධනය, රෙගුලාසි සහ අදාළ ක්රියාපටිපාටි සංශෝධනය කරමින් නව උපාය මාර්ගික ප්රවේශ හඳුන්වා දීම හා ඇගයීම සඳහාද කාලරාමු සහිතව ක්රියා කළ යුතු වේ.
ඒ අනුව ආ (i) යන ප්රශ්නයෙන් විමසන ලද කරුණුවලට අදාළව, නව අධ්යාපන ප්රතිසංස්කරණ ක්රියාත්මක කිරීමට අපේක්ෂා කරනු ලබන වර්ෂය නිශ්චිතවම පැවසීමේ හැකියාවක් නොමැති අතර, 2024 වර්ෂයේ මැද භාගය අවසානය වනවිට යම් සාධනීය ක්රියාත්මකවීමක් සිදුවෙතැයි අපේක්ෂිතය.
(ii) සාමාන්ය පාසල් අධ්යාපනය තුළ විෂය මාලා හා අනෙකුත් අංශයන්හි සිදු කළ යුතු සංශෝධන/නව ප්රතිසංස්කරණ කවරේද යන්න මේ වනවිට සාකච්ඡාවට ලක් කෙරෙමින් පවතී. ඒ අනුව අපොස (සාමාන්ය පෙළ) සහ අපොස (උසස් පෙළ) විභාගයන්හි සිදු කිරීමට අපේක්ෂිත ප්රධාන ප්රතිසංස්කරණ කවරේද යන්න පිළිබඳ තවමත් නිශ්චිත වශයෙන් අවසන් තීරණයකට එළඹ නැත.
(ඇ) (i) මේ වනවිට ශ්රී ලංකාවේ රජයේ පාසල්වල පවතින ගුරු හිඟය 41,103කි.
(ii) · දිවයිනේ ජාතික හා පළාත් පාසල්වල පවතින ගුරු හිඟතාව මඟ හරවා ගැනීමට රාජ්ය සේවයේ නියුතු උපාධිධාරින් ශ්රී ලංකා ගුරු සේවයේ පුරප්පාඩු සඳහා බඳවා ගැනීම සඳහා අංක අමප/22/1357/607/026, 2022.10.31 හා අංක අමප/22/2021/607/026 - II හා 022.12.12 දිනැති අමාත්ය මණ්ඩල තීරණ ලබා දෙන ලද අතර එම තීරණ ප්රකාරව අංක 2317 හා 2023.01.27 දිනැති ගැසට් නිවේදනය මඟින් රාජ්ය සේවයේ නියුතු උපාධිධාරින්ගෙන් අයදුම්පත් කැඳවන ලදී.
(ඈ) අදාළ නොවේ.
පිළිතුරු දුන් දිනය
2023-12-01
විසින් පිළිතුරු දෙන ලදී
ගරු නීතිඥ (ආචාර්ය) සුසිල් ප්රේමජයන්ත මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
