----
අසන ලද දිනය
2022-09-23
අසන ලද්දේ
ගරු අජිත් මාන්නප්පෙරුම මහතා, පා.ම.
අමාත්යාංශය
කෘෂිකර්ම
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ නවවැනි පාර්ලිමේන්තුව
සභාවාරය
3 වැනි සභාවාරය
(අ) (i) 2021/22 මහ කන්නයට අදාළව ගොවිජන සංවර්ධන දෙපාර්තමේන්තුව මඟින් සිදු කරන ලද වී අස්වනු සමීක්ෂණයේ දත්ත හා එම කන්නයේ නෙළන ලද වී අස්වනු ප්රමාණයන් මත පදනම්ව ගණනය කර ඇති පරිදි පසු ගිය මහ කන්නවලට සාපේක්ෂව 2021/22 මහ කන්නය තුළ සියයට 47ක පමණ වී අස්වනු අඩු වීමක් නිරීක්ෂණය වේ.
(ii) අමාත්ය මණ්ඩල ලේකම්ගේ අංක 22/0243/ 323/0041-I හා 2022.03.01 දින යොමු කළ අමාත්ය මණ්ඩල තීරණයට අනුව 2021/22 මහ කන්නය තුළ හරිත කෘෂි කාර්මික යෙඳවුම් භාවිතා කිරීම වෙනුවෙන් ඇගයීම් දිරි දීමනා ගෙවීම අනුමත වී ඇති නමුත් මහා භාණ්ඩාගාරයෙන් මුදල් නොලැබීම මත වන්දි ලබා දී නොමැත.
(iii) නැත.
(iv) නැත.
(v) අමාත්ය මණ්ඩල ලේකම්ගේ අංක 22/0243/ 323/0041-I හා 2022.03.01 දින යොමු කළ අමාත්ය මණ්ඩල තීරණයට අනුව වී කිලෝග්රෑම් 1ට ලබා දෙන ඇගයීම් දිරි දීමනා අගයන්ද පහත පරිදි ගණනය කරනු ලැබේ.
|
කාණ්ඩ අංකය |
විස්තරය |
කිලෝග්රෑම් 1ට ලබාදෙන ඇගයීම් දිරි දීමනාව (රුපියල්) |
|
I. |
අක්කර ½ සහ අක්කර ½ට අඩු |
50.00 |
|
II. |
අක්කර ½ට වැඩි සහ අක්කර 1ට අඩු |
50.00 |
|
III. |
අක්කර 1ට වැඩි සහ අක්කර 2 ½ට අඩු |
37.50 |
|
IV. |
අක්කර 2½ට වැඩි සහ අක්කර 5ට අඩු |
25.00 |
පසුගිය වර්ෂ 5ක මහ කන්නයෙහි ජන හා සංඛ්යාලේඛන දෙපාර්තමේන්තුවේ වාර්තා මඟින් ලබා ගත් වී අස්වැන්නේ සාමාන්ය අගයෙන්, ජන හා සංඛ්යාලේඛන දෙපාර්තමේන්තුව හා ගොවිජන සංවර්ධන දෙපාර්තමේන්තුව ඒකාබද්ධව සිදු කළ 2021/22 මහ කන්නයට අදාළ වී අස්වනු සමීක්ෂණයෙන් ලබා ගත් දිස්ත්රික්කයේ සාමාන්ය අඩු කිරීමෙන් ලබා ගත් අගය ගොවීන්ගේ වී අස්වනු අඩු වීමේ සාමාන්ය ලෙස සලකනු ලබයි. එම අගය 2021/22 මහ කන්නයේ සත්ය වශයෙන්ම වගා කළ කුඹුරු ප්රමාණයෙන් ගුණ කිරීමෙන් අඩු වූ අස්වනු ප්රමාණය (කිලෝග්රෑම්) ලැබෙන අතර, මෙම කිලෝග්රෑම් අගය උක්ත වගුවේ වගා වපසරියට අනුව කිලෝග්රෑම් 1ට දෙන ඇගයීම් දිරි දීමනාවෙන් ගුණ කිරීමෙන් එක් එක් ගොවීන්ට ලැබිය යුතු මුදල තීරණය වනු ඇත.
මෙම ගණනය කිරීම කෘෂිකර්ම අමාත්යාංශය විසින් නිකුත් කළ අංක 04/2022 දරන චක්රලේඛය අනුව වේ.
(ආ) අදාළ නොවේ.
පිළිතුරු දුන් දිනය
2022-10-19
විසින් පිළිතුරු දෙන ලදී
ගරු නීතිඥ මොහාන් ප්රියදර්ශන ද සිල්වා මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
