2266/2021
ගරු වසන්ත යාපාබණ්ඩාර මහතා,— කර්මාන්ත අමාත්යතුමාගෙන් ඇසීමට,—
(අ) (i) පිළිමතලාව, ගිරාගම ප්රදේශයේ පේෂ කර්මාන්ත දෙපාර්තමේන්තුවට අයත් විශාල ගොඩනැගිල්ලක් තිබේද;
(ii) රජයට අයිතිව තිබූ එම ගොඩනැගිල්ලේ අයිතියෙහි වෙනසක් සිදු වී තිබේද;
(iii) එම ගොඩනැගිල්ල පෞද්ගලික පාර්ශ්වයකට බදු දී තිබේද;
(iv) එසේ නම්, එහි වාර්ෂික බදු මුදල කොපමණද;
(v) එම ගොඩනැගිල්ල සහ ඊට අයිති දේපළ පෞද්ගලික අංශයට බදු දෙන ලද දිනය කවරේද;
(vi) එම ගොඩනැගිල්ල බදු දෙන අවස්ථාව වනවිට කර්මාන්ත විෂය භාරව කටයුතු කරන ලද අමාත්යවරයාගේ නම කවරේද;
යන්න එතුමා මෙම සභාවට දන්වන්නෙහිද?
(ආ) (i) එම ගොඩනැගිල්ල සහ ඊට අයිති දේපළ නැවත රජයට පවරා ගැනීම සඳහා කටයුතු නොකිරීමට හේතු කවරේද;
(ii) එම පේෂ කර්මාන්ත මධ්යස්ථානය මඟින් යටිනුවර ප්රදේශයේ විරැකියාවෙන් පෙළෙන තරුණයන් දහස් සංඛ්යාවකට රැකියා උත්පාදනය කළ හැකි බව පිළිගන්නේද;
(iii) එසේ නම්, එම ගොඩනැගිල්ල නැවත රජයට පවරා ගෙන යටිනුවර ප්රදේශයේ පේෂ කර්මාන්ත ක්ෂේත්රය දියුණු කිරීම සඳහා ගනු ලබන පියවර කවරේද;
යන්නත් එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2021-12-10
අසන ලද්දේ
ගරු නීතිඥ වසන්ත යාපාබණ්ඩාර මහතා, පා.ම.
අමාත්යාංශය
කර්මාන්ත
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ නවවැනි පාර්ලිමේන්තුව
සභාවාරය
1 වැනි සභාවාරය
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
