319/’18
ගරු සිසිර ජයකොඩි මහතා,— අධ්යාපන අමාත්යතුමාගෙන් ඇසීමට,—
(අ) (i) 2019 වර්ෂයේදී ජීව විද්යා විෂය ධාරාවෙන් අ.පො.ස. උසස් පෙළ විභාගය සඳහා පෙනී සිටීමට නියමිත සිසුන්ට නව විෂය නිර්දේශයක් හඳුන්වා දී ඇති බවත්;
(ii) වසරක් ගත වී ඇතත්, මේ වනතෙක් ලබා දී ඇත්තේ ඒකක 5ක විෂය නිර්දේශයන් පමණක් බවත්;
(iii) ඒවා ද ලබාදී ඇත්තේ ඉංග්රීසි භාෂාවෙන් පමණක් බවත්;
(iv) නව විෂය නිර්දේශය සඳහා ප්රායෝගික පරීක්ෂණ හා ගුරු අත්පොත් ලබාදී නොමැති බවත්;
එතුමා දන්නෙහිද?
(ආ) (i) එම විෂය නිර්දේශය හඳුන්වා දෙනවිට ගුරුවරුන්ට ගුරු පුහුණුව හා නව නිර්දේශය පිළිබඳ දැනුවත් කිරීමක් සිදු කරනු ලැබුවේද;
(ii) නොඑසේ නම්, ඒ මන්ද;
(iii) සම්පූර්ණ විෂය නිර්දේශය ලබා දීමට කටයුතු කරනු ලබන දිනය කවරේද;
යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2019-05-07
අසන ලද්දේ
ගරු නීතිඥ සිසිර ජයකොඩි මහතා, පා.ම.
අමාත්යාංශය
අධ්යාපන
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ අටවැනි පාර්ලිමේන්තුව
සභාවාරය
3 වැනි සභාවාරය
(අ) (i) 2019 වසරේ දී ජීව විද්යා විෂය ධාරාවෙන් අ.පො.ස. (උසස් පෙළ) විභාගය සඳහා පෙනී සිටීමට නියමිත සිසුන්ට 2017 වසරේ සිට නව විෂය නිර්දේශය හඳුන්වා දී ඇත.
(ii) එම විෂය නිර්දේශයට ඒකක 10ක් ඇතුළත් වන අතර, එම සියලු ඒකක ඇතුළත් විෂය නිර්දේශ ජීව විද්යා ගුරුවරුන්ට මාධ්ය තුනෙන්ම ලබා දී ඇත.
(iii) අ.පො.ස. (උ.පෙළ) ජීව විද්යාව 2017 වසරේ සිට ක්රියාත්මක වන නව විෂය නිර්දේශයේ පිටපත් සිංහල, දෙමළ හා ඉංග්රීසි මාධ්ය තුනෙන් ම ලබා දී ඇත.
(iv) නව විෂය නිර්දේශය සඳහා නිර්දේශිත, ප්රායෝගික පරීක්ෂණ විෂය නිර්දේශයේ අදාළ නිපුණතා මට්ටම් යටතේ තද කළු අකුරින් මුද්රණය කර ඇත.
12 ශ්රේණිය - ගුරු මාර්ගෝපදේශය
13 ශ්රේණිය - ගුරු මාර්ගෝපදේශය
(ආ) (i) නව විෂය නිර්දේශය පිළිබඳ ජීව විද්යා ගුරුභවතුන් දැනුවත් කිරීම සඳහා 2017 සහ 2018 වසරවලදී වැඩසටහන් පවත්වා ඇත. එම වැඩසටහන් පහත ඇමුණුමෙහි දක්වා ඇත.
(ii) සම්පූර්ණ විෂය නිර්දේශය ඉහත (අ) කොටසෙහි දැක්වෙන පරිදි මේ වන විට ලබා දී ඇත.
(ඇ) අදාළ නොවේ.
පිළිතුරු දුන් දිනය
2019-08-06
විසින් පිළිතුරු දෙන ලදී
ගරු අකිල විරාජ් කාරියවසම් මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
