3/2024
ගරු නීතිඥ වසන්ත යාපාබණ්ඩාර මහතා,— වනජීවී හා වනසම්පත් සංරක්ෂණ අමාත්යතුමියගෙන් ඇසීමට,—
(අ) (i) සෑම වර්ෂයකම අධික වියළි කාළගුණ තත්ත්ව පවතින කාලවලදී මහනුවර, පන්විල සහ උඩුදුම්බර ප්රාදේශීය ලේකම් කොට්ඨාස බලප්රදේශ ඇතුළු මධ්යම කඳුකරයේ බොහෝ ප්රදේශවල රක්ෂිත වනාන්තර, ජල පෝෂක ප්රදේශ ආශ්රිත වනාන්තර සහ කුඩා ලඳු කැළෑ ගිනි තබන බවත්;
(ii) ඒ හේතුවෙන් ජල උල්පත් සිඳීයාම, වර්ෂා කාලයට කඳු මුදුන්වල ඇති ගල් පෙරලීම හා නාය යාම් ඇති වීම වැනි හානි සිදු වන බවත්;
එතුමිය දන්නෙහිද?
(ආ) (i) එසේ නම්, ඉහත ගිනි තැබීම් වැළැක්වීම සඳහා පියවර ගෙන තිබේද;
(ii) උණුසුම් කාළගුණයත් සමඟ ගිනි ගැනීම් සීඝ්රයෙන් පැතිරීම පාලනය කිරීම සඳහා ගනු ලබන පියවර කවරේද;
(iii) සංවේදී පරිසර පද්ධති ආරක්ෂා කිරීම සඳහා තිරසර විසඳුමක් ලබා දෙන්නේද;
(iv) එසේ නම්, එම විසඳුම කවරේද;
යන්න එතුමිය මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2024-03-21
අසන ලද්දේ
ගරු නීතිඥ වසන්ත යාපාබණ්ඩාර මහතා, පා.ම.
අමාත්යාංශය
වනජීවී හා වනසම්පත් සංරක්ෂණ
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ නවවැනි පාර්ලිමේන්තුව
සභාවාරය
5 වැනි සභාවාරය
ගරු කථානායකතුමනි, එම ප්රශ්නයට පිළිතුර මෙසේයි.
(අ) (i) සෑම වර්ෂයකම අධික වියළි කාලගුණ තත්ත්ව පවතින කාලවලදී මහනුවර, පන්විල සහ උඩුදුම්බර ප්රාදේශීය ලේකම් කොට්ඨාස බලප්රදේශ ඇතුළු මධ්යම කඳුකරයේ බොහෝ ප්රදේශවල රක්ෂිත වනාන්තර, ජල පෝෂක ප්රදේශ ආශ්රිත වනාන්තර, තෘණ භූමි සහ කුඩා ලඳු කැලෑ විවිධ හේතු මත පුද්ගලයන් හෝ පුද්ගල කණ්ඩායම් විසින් විවිධ කැලෑ ගිනි තැබීම සිදු කරනු ලබයි. මේවා බොහෝ විට ඉඩම් අත් පත් කර ගැනීම, සත්ත්ව පාලනයේ දී සතුන්ට ආහාර ලබා ගැනීම, දැව නොවන වනජ නිෂ්පාදන ලබා ගැනීම, විනෝදය හා නොදැනුවත්කම වැනි හේතූන් මත සිදු කරනු ලබයි.
(ii) ඔව්.
වියළි කාලයේ දී සිදු කරනු ලබන ගිනි තැබීම් නිසා පසට ඇති ශාක ආවරණය දුර්වල වීමත්, පසේ කාබනික ද්රව්ය පිලිස්සී විනාශ වී යෑමත්, වනාන්තර ආශ්රිත ජෛව විවිධත්වයට හානි වීමත්, ගින්නෙන් මිය ගිය ශාකවල මූල පද්ධති ඔස්සේ ජලය කාන්දු වීමත් හේතු කොටගෙන එම ප්රදේශවල නායයෑම්, ගල් පෙරළීම් වැනි තත්ත්වයන් ඇති වන අතර, පසේ ජලය රඳා ගැනීමේ හැකියාව හීන වීම නිසා ජල උල්පත් සිඳී යෑම් වැනි තත්ත්වයන් ඇති වේ.
(ආ) (i) අවශ්ය පියවර ගෙන ඇත.
1. වරදකරුවන් වෙත නීතිමය පියවර ගැනීම.
2. ග්රාමීය මට්ටමේ සිට ජාතික මට්ටම දක්වා ජනතාව දැනුවත් කිරීමේ වැඩසටහන් ක්රියාත්මක කිරීම.
3. කිසියම් කැලෑ ගිනි ඇති වීමකදී එය මර්දනය කිරීම සඳහා, ප්රාදේශීය ලේකම් කාර්යාල නිලධාරින් හා ග්රාම නිලධාරින්, ආපදා කළමනාකරණ අංශ, ත්රිවිධ හමුදාව, පොලීසිය, සිවිල් ආරක්ෂක දෙපාර්තමේන්තු නිලධාරින්ගේ සහයෝගය ලබා ගැනීම.
4. ගිනි ඇති වෙන ගම්මාන ආශ්රිතව ප්රජා සහභාගිත්වයෙන් යුතු ගිනි ආරක්ෂණ කමිටු පිහිටුවීම, එම කමිටු මඟින් අවශ්ය තොරතුරු ලබා ගැනීම හා ගිනි පාලනය සඳහා සහාය ලබා ගැනීම.
5. ගිනි නිවාරණය සඳහා ක්රියාත්මක කරනු ලබන පාර්ශ්වකාර ආයතනවල සහභාගිත්වයෙන් යුතු ඒකාබද්ධ යන්ත්රණවල කාර්යභාරයන්ට නිසි දායකත්වය දැක්වීම.
(ii)
(iii) ශ්රී ලංකාවේ සියලු වනාන්තර සංවේදී පරිසර පද්ධතීන් වේ. මෙම සංවේදී පරිසර පද්ධති ආරක්ෂා කිරීම සඳහා තිරසර විසඳූම් ලබා දී ඇත.
(iv) ඔව්.
(ඇ) ඉහතින් පිළිතුරු ලබා දී ඇත.
පිළිතුරු දුන් දිනය
2024-06-18
විසින් පිළිතුරු දෙන ලදී
ගරු නීතිඥ පවිත්රාදේවී වන්නිආරච්චි මහත්මිය, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
