ගරු සෙය්යිඩ් අලී සාහීර් මවුලානා මහතා,— උසස් අධ්යාපන හා මහාමාර්ග අමාත්යතුමාගෙන් ඇසීමට,— (1)
(අ) (i) මඩකලපුව - වාලච්චේන මාර්ගයට සමාන්තරව මුහුදු වෙරළ දිගේ මඩකලපුව බාර් ප්රදීපාගාර මංසන්ධියේ සිට කල්කුඩා දක්වා, එරාවුර් පිටවීම තෙක් අර්ධ වශයෙන් ඉදි කරන ලද මාර්ගයක් පවතින බවත්;
(ii) මෙම මාර්ගය මඩකලපුව - වාලච්චේන මාර්ගයේ රථවාහන තදබදය අඩු කරන අතර මඩකලපුව දිස්ත්රික් ලේකම් කාර්යාලය සහ තවත් ආයතන කිහිපයක් මෙම මාර්ගයට ආසන්නයේ ඉදි වෙමින් පවතින බැවින් ජනතාවට පහසුවක් වන බවත්;
(iii) මුහුදු වෙරළ ඔස්සේ මෙම මාර්ගයෙන් පාසිකුඩා බොක්ක දක්වා ගමන් කිරීම දේශීය සහ විදේශීය සංචාරකයන්ට පහසුවක් බවත්;
(iv) ගැඹුරු මුහුදේ ධීවර කටයුතුවල යෙදෙන ධීවරයන්ට මෙය පහසුවක් වන බවත්;
(v) යළි පදිංචි කළ ගම්මානයක් වන තිරෙයිමඩුහි පදිංචිකරුවන්ට ඉන් ප්රතිලාභ අත්වන බවත්;
(vi) මෙම මාර්ගය දෙපස සංචාරක හෝටල් සහ වෙනත් ආයතන ඉදිකිරීමට ආයෝජකයන්ව දිරි ගන්වනු ඇති බවත්;
එතුමා දන්නෙහිද?
(ආ) ඉහත සඳහන් කරන ලද කරුණු සහ අවශ්යතා සැලකිල්ලට ගනිමින් මෙම මාර්ගයේ ඉදිකිරීම් කඩිනම් කරන ලෙස උපදෙස් දෙන්නේද යන්න එතුමා මෙම සභාවට දන්වන්නෙහිද?
(ඇ) නොඑසේ නම්, ඒ මන්ද?
අසන ලද දිනය
2017-06-20
අසන ලද්දේ
ගරු සෙය්යිඩ් අලී සාහීර් මවුලානා මහතා, පා.ම.
අමාත්යාංශය
මහාමාර්ග හා මාර්ග සංවර්ධන
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ අටවැනි පාර්ලිමේන්තුව
සභාවාරය
1 වැනි සභාවාරය
----
පිළිතුරු දුන් දිනය
2017-06-20
විසින් පිළිතුරු දෙන ලදී
ගරු නීතිඥ ලක්ෂ්මන් කිරිඇල්ල මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
