793/2020
ගරු රෝහිණි කුමාරි විජේරත්න මහත්මිය,— අධ්යාපන අමාත්යතුමාගෙන් ඇසීමට,—
(අ) (i) ශ්රී ලංකාවේ රජයේ පාසල්වල ඉගෙනුම ලබන මුළු පාසල් ශිෂ්ය-ශිෂ්යාවන් සංඛ්යාව කොපමණද;
(ii) මේ වනවිට රජයේ පාසල්වල සේවය කරනු ලබන ගුරුවරුන් සංඛ්යාව කොපමණද;
(iii) ශ්රී ලංකාවේ ගුරු-සිසු අනුපාතය කොපමණද;
(iv) ගුරු තුලනයක් ඇතිවන පරිදි ගුරු ස්ථාන මාරු ප්රතිපත්තිය නිසි ලෙස ක්රියාත්මක කිරීමට අමාත්යාංශය විසින් ගනු ලබන ක්රියාමාර්ග කවරේද;
යන්න එතුමා මෙම සභාවට දන්වන්නෙහිද?
(ආ) නොඑසේ නම්, ඒ මන්ද?
අසන ලද දිනය
2021-09-24
අසන ලද්දේ
ගරු රෝහිණි කුමාරි විජේරත්න මහත්මිය, පා.ම.
අමාත්යාංශය
අධ්යාපන
ව්යවස්ථාදායකය
ශ්රී ලංකා ප්රජාතාන්ත්රික සමාජවාදී ජනරජයේ නවවැනි පාර්ලිමේන්තුව
සභාවාරය
1 වැනි සභාවාරය
(අ) (i) ශ්රී ලංකාවේ රජයේ පාසල්වල ඉගෙනුම ලබන මුළු පාසල් ශිෂ්ය-ශිෂ්යාවන් සංඛ්යාව 4,063,685කි.
(පාසල් සංගණනය - 2020 අනුව)
(ii) මේ වනවිට රජයේ පාසල්වල සේවය කරනු ලබන ගුරුවරුන් සංඛ්යාව 236,905කි.
(පාසල් සංගණනය - 2020 අනුව)
(iii) ශ්රී ලංකාවේ සමස්තයක් ලෙස ගත් විට ගුරු-සිසු අනුපාතය 1:17කි. එහෙත් විෂයානුබද්ධව පාසල් අනුව මෙම අනුපාතය වෙනස් වේ.
(පාසල් සංගණනය - 2020 අනුව)
(iv) ඔව්.
අධ්යාපන ක්රියාවලිය වඩාත් ඵලදායී අන්දමින් සිදු කළ හැකි පරිදි හා ගුරු-සිසු දෙපිරිසේම සුබසාධනය සැලසෙන පරිදි ජාතික ගුරු ස්ථාන මාරු ප්රතිපත්තිය 2007/20 චක්රලේඛයට අනුව ජාතික පාසල්හි ගුරු තුලනයක් ඇති වන පරිදි වාර්ෂිකව පහත ක්රියාමාර්ග ගනු ලබයි.
සාමාන්ය පරිදි සෑම වර්ෂයකම ස්ථාන මාරුවීම් ඉල්ලීමට අභිමත ගුරු භවතුන් සඳහා හා එකම ජාතික පාසලේ වසර 10ට වැඩි සේවා කාලයක් සම්පූර්ණ කළ ගුරු භවතුන් සඳහා වාර්ෂික ස්ථාන මාරුවීම් කැඳවීම.
(වර්ෂ 2020, 2021 රටේ පවතින COVID-19) වාතාවරණය හමුවේ පාසල් වසා තැබීම හේතුවෙන් නියමිත කාල වකවානු තුළ එම වාර්ෂික ස්ථාන මාරු කැඳවීමට නොහැකි වීම.)
(ආ) අදාළ නොවේ.
පිළිතුරු දුන් දිනය
2021-11-25
විසින් පිළිතුරු දෙන ලදී
ගරු නීතිඥ (ආචාර්ය) සුසිල් ප්රේමජයන්ත මහතා, පා.ම.
පාර්ලිමේන්තු අත්පොත
ශ්රී ලංකාවේ මැතිවරණ ක්රමය
පාර්ලිමේන්තුවේ කටයුතු සිදුවන ආකාරය
පාර්ලිමේන්තුවේ කටයුතු
© ශ්රී ලංකා පාර්ලිමේන්තුව.
සියලු හිමිකම් ඇවිරිණි.
නිර්මාණය සහ සංවර්ධනය TekGeeks
