தொடர்புடைய செய்திகள்

2026-10-07

2027ஆம் ஆண்டுக்கான நிதி ஒதுக்கீட்டுச் சட்டமூலம் முதலாவது மதிப்பீட்டுக்காக இன்று பாராளுமன்றத்தில் சமர்ப்பிக்கப்பட்டது

2027ஆம் நிதியாண்டுக்கான நிதி ஒதுக்கீட்டுச் சட்டமூலம் முதலாவது மதிப்பீட்டுக்காக இன்றையதினம் (ஒக். 07) கௌரவ தொழில் அமைச்சரும், நிதி மற்றும் திட்டமிடல் பிரதியமைச்சருமான கலாநிதி அனில் ஜயந்த அவர்களினால் பாராளுமன்றத்தில் முன்வைக்கப்பட்டது.2027 நிதியாண்டுக்கான அரசாங்கத்தின் சேவைச் செலவினங்களுக்காக (நான்காயிரத்து தொள்ளாயிரத்து தொண்ணூற்றி இரண்டு பில்லியன் எழுநூற்றி எழுபத்தி மூன்று மில்லியன் முந்நூற்றி எண்பத்தொட்டாயிரம் ரூபா) நிதி ஒதுக்கீடுகளை வழங்குதல் மற்றும் அரசாங்கம் கடன் பெறுவதற்கு அதிகாரமளித்தல் உள்ளிட்ட விடயங்களுக்கான ஏற்பாடுகள் இந்த ஒதுக்கீட்டுச் சட்டமூலம் ஏற்பாடு செய்கிறது.இதற்கமைய, 2027ஆம் ஆண்டுக்கான ஒதுக்கீட்டுச் சட்டமூலத்தின் இரண்டாவது மதிப்பீடு அல்லது வரவுசெலவுத்திட்ட உரை 2026 நவம்பர் 12ஆம் திகதி இடம்பெறும். இதன் பின்னர், நவம்பர் 13ஆம் திகதி முதல் நவம்பர் 20ஆம் திகதி வரை 07 நாட்களுக்கு இரண்டாம் மதிப்பீடு மீதான விவாதத்தை நடத்துவதற்கும் இங்கு தீர்மானிக்கப்பட்டது. இதற்கமைய, நவம்பர் 20ஆம் திகதி பி.ப 6.00 மணிக்கு இரண்டாம் மதிப்பீடு மீதான வாக்கெடுப்பு நடைபெறும்.அதனைத் தொடர்ந்து, நவம்பர் 21ஆம் திகதி முதல் டிசம்பர் 14ஆம் திகதி வரை 19 நாட்களுக்கு குழுநிலை விவாதத்தை நடத்துவதற்கும், டிசம்பர் 14ஆம் திகதி பி.ப 6.00 மணிக்கு வரவுசெலவுத் திட்டத்தின் மூன்றாவது மதிப்பீடு மீதான வாக்கெடுப்பு இடம்பெறும்.அரசாங்க விடுமுறை தினங்கள் மற்றும் ஞாயிற்றுக்கிழமைகளைத் தவிர, சனிக்கிழமைகள் உட்பட அனைத்து நாட்களிலும் வரவுசெலவுத் திட்ட விவாதம் நடைபெறும். அத்துடன், இந்த அனைத்து நாட்களிலும் பாராளுமன்றம் மு.ப 9.30 மணிக்கு கூடவுள்ளது.2027ஆம் ஆண்டுக்கான ஒதுக்கீட்டுச் சட்டமூத்தின் ஊடாக 2027 ஜனவரி 01ஆம் திகதி முதல் டிசம்பர் 31ஆம் திகதி வரையிலான நிதியாண்டுக்கான அரசாங்கச் செலவினங்களை மேற்கொள்வதற்கும், அதற்குத் தேவையான நிதி ஒதுக்கீடுகளை வழங்குவதற்கும், அத்துடன் தொடர்புடைய கடன்களைப் பெற்றுக்கொள்வதற்கும் தேவையான சட்ட ஏற்பாடுகள் மேற்கொள்ளப்பட்டுள்ளன.

மேலும் வாசிக்க

2026-10-07

களனி குருகுல வித்தியாலய மாணவர் பாராளுமன்றத்தின் கன்னி அமர்வு ஜனாதிபதி செயலகத்தின் பழைய பாராளுமன்ற சபா மண்டபத்தில்

களனி குருகுல வித்தியாலய மாணவர் பாராளுமன்றத்தின் கன்னி அமர்வு, ஜனாதிபதி செயலகத்தின் பழைய பாராளுமன்ற சபா மண்டபத்தில் கடந்த ஒக்டோபர் 02ஆம் திகதி நடைபெற்றது. இந்த அமர்வு கௌரவ குழுக்களின் பிரதித் தவிசாளர் ஹேமாலி வீரசேகர அவர்களின் தலைமையில் நடைபெற்றது.களனி குருகுல வித்தியாலய மாணவ, மாணவியருக்குப் பாராளுமன்ற நடைமுறைகள் தொடர்பில் நடைமுறை அனுபவங்களைப் பெற்றுக்கொடுக்கும் நோக்கில் குறித்த பாடசாலை, ஜனாதிபதி செயலகம் மற்றும் இலங்கைப் பாராளுமன்றத்தின் தொடர்பாடல் திணைக்களம் ஆகியன இணைந்து இந்நிகழ்ச்சித்திட்டத்தை ஏற்பாடு செய்திருந்தன.இங்கு கருத்துத் தெரிவித்த கௌரவ குழுக்களின் பிரதித் தவிசாளர் ஹேமாலி வீரசேகர அவர்கள், மாணவர் பாராளுமன்றத்தின் ஊடாக மாணவர்கள் தலைமைத்துவம் தொடர்பில் பல முக்கியமான அனுபவங்களைப் பெற்றுக்கொள்ள முடியும் என்றும், இதன் மூலம் அவர்கள் எதிர்காலத் தலைவர்களாக உருவாகுவதற்கான வாய்ப்புக் கிடைக்கும் என்றும் தெரிவித்தார். அத்துடன், மாணவர் பருவத்திலேயே திறன்களையும் ஆற்றல்களையும் மேம்படுத்திக்கொள்வதன் முக்கியத்துவம் குறித்தும் அவர் கருத்துத் தெரிவித்ததுடன், பாரம்பரிய சிந்தனைச் சட்டகத்திற்கு அப்பால் சிந்திப்பதன் அவசியத்தையும் சுட்டிக்காட்டினார்.மேலும், இலங்கைப் பாராளுமன்றத்தின் உதவிப் பணிப்பாளர் (நிர்வாகம்) சூலா ஹேரத் அவர்கள், பாராளுமன்றம் மற்றும் சட்டவாக்கச் செயற்பாடுகள் தொடர்பில் மாணவர்களுக்கு விளக்கமளித்தார்.களனி குருகுல வித்தியாலய மாணவர் பாராளுமன்றத்தின் கன்னி அமர்வை ஆரம்பித்து, சபாநாயகர் தெரிவு செய்யப்பட்டதைத் தொடர்ந்து, பிரதமர் உள்ளிட்ட அமைச்சரவையினரும் நாடாளுமன்ற உறுப்பினர்களும் சத்தியப்பிரமாணம் செய்துகொண்டனர். பின்னர், மாணவர் பாராளுமன்றத்தின் ஒவ்வொரு அமைச்சரும் தமது அமைச்சுக்களின் ஊடாக நடைமுறைப்படுத்துவதற்கு முன்மொழியப்பட்டுள்ள திட்டங்கள் தொடர்பில் சபைக்கு விளக்கமளித்தனர்.இதன்போது, மாணவர் பாராளுமன்றத்தைப் பிரதிநிதித்துவப்படுத்தும் மாணவிகளுக்கான சான்றிதழ்களும் அதிதிகளின் தலைமையில் வழங்கப்பட்டன.நிகழ்ச்சித்திட்டத்தின் நிறைவில், களனி குருகுல வித்தியாலய அதிபர் கலாநிதி குசல பெர்னாண்டோ அவர்கள் நன்றியுரையாற்றியதுடன், நாட்டின் பிள்ளைகளின் எதிர்கால நலனைக் கருத்திற்கொண்டு இலங்கைப் பாராளுமன்றத்தினால் முன்னெடுக்கப்படும் இத்தகைய நிகழ்ச்சித்திட்டத் தொடர்கள் குறித்துத் தனது பாராட்டுகளையும் தெரிவித்தார்.இந்நிகழ்ச்சித்திட்டத்தில், ஜனாதிபதியின் மக்கள் தொடர்புப் பணிப்பாளர் நாயகம் தர்மசிறி கமகே, ஜனாதிபதியின் சிரேஷ்ட மேலதிக செயலாளர் சுபாஷ் ரோஷன், ஜனாதிபதி செயலகத்தின் உதவிப் பணிப்பாளர் லெப்டினன்ட் கேணல் நதீக தங்கொல்ல, மற்றும் பாராளுமன்றத்தின் தொடர்பாடல் திணைக்களப் பணிப்பாளர் சமந்த மல்லஆராச்சி உள்ளிட்ட அதிகாரிகள் பலரும் கலந்துகொண்டனர்.

மேலும் வாசிக்க

2026-10-06

ஏற்றுமதி கமத்தொழில் ஊக்குவிப்பு (திருத்தச்) சட்டமூலத்தை சான்றுரைப்படுத்தினார் சபாநாயகர்

ஏற்றுமதி கமத்தொழில் ஊக்குவிப்பு (திருத்தச்) சட்டமூலத்திற்கு தனது கையொப்பத்தையிட்டு கௌரவ சபாநாயகர் வைத்தியர் ஜகத் விக்கிரமரத்ன அவர்கள் இன்று (ஒக். 06) சான்றுரைப்படுத்தினார்.இந்தச் சட்டமூலம் கமத்தொழில், கால்நடைவளங்கள், காணி மற்றும் நீர்ப்பாசன அமைச்சரினால் கடந்த 2026 ஆகஸ்ட் 07ஆம் திகதி பாராளுமன்றத்தில் சமர்ப்பிக்கப்பட்டது. இதன்மூலம், 1992 ஆம் ஆண்டின் 46ஆம் இலக்கச் சட்டத்தின் சட்ட மற்றும் நிர்வாக விதிகள் புதுப்பிக்கப்பட்டு, ஏற்றுமதி கமத்தொழில் பயிர்கள் தொடர்பான சட்டக் கட்டமைப்பும் திருத்தப்படுகிறது.இச்சட்டத் திருத்தத்தின் மூலம் சட்டத்தின் நிர்வாகக் கட்டமைப்பைப் புதுப்பித்து, 'பணிப்பாளர்’ என்ற பதவிக்குப் பதிலாக 'பணிப்பாளர் நாயகம்’ என்ற பதவியை அறிமுகப்படுத்தவும், இதற்கு மேலதிகமாக பணிப்பாளர்கள், பிரதிப் பணிப்பாளர்கள் மற்றும் உதவிப் பணிப்பாளர்கள் ஆகிய பதவிகளை அறிமுகப்படுத்துவதற்கும் முன்மொழியப்பட்டுள்ளது.அத்துடன், “ஏற்றுமதி விவசாயப் பயிர்” என்பதற்கான வரைவிலக்கணமும் திருத்தப்பட்டுள்ளது. இதற்கமைய, உள்நாட்டுப் பயன்பாட்டுக்கு மேலதிகமாக ஏற்றுமதிச் சாத்தியக்கூறுகளைக் கொண்டதாக அடையாளம் காணப்பட்ட பயிர்களும் இதில் உள்ளடக்கப்பட்டுள்ளன. எவ்வாறாயினும், நெல், மரக்கறிகள், பழங்கள், கிழங்கு வகைகள் மற்றும் குறிப்பிட்ட சில உணவுப் பயிர்கள் உள்ளிட்ட தெளிவாகக் குறிப்பிடப்பட்ட பயிர் வகைகளும், பெருந்தோட்டப் பயிர்களும் இதிலிருந்து விலக்கப்பட்டுள்ளன.இதற்கமைய, ஏற்றுமதி கமத்தொழில் ஊக்குவிப்பு (திருத்தம்) சட்டமூலமானது, 2026ஆம் ஆண்டின் 24ஆம் இலக்க ஏற்றுமதி கமத்தொழில் ஊக்குவிப்பு (திருத்த) சட்டமாக அமுலுக்கு வருகிறது.

மேலும் வாசிக்க

2026-10-02

ஒக்டோபர் 06ஆம் திகதி முதல் 09ஆம் திகதி வரை பாராளுமன்றம் கூடும்

பாராளுமன்றம் ஒக்டோபர் 06ஆம் திகதி முதல் 09ஆம் திகதி வரை கூடவுள்ளது.இந்தப் பாராளுமன்ற அமர்வுவாரத்திற்கான பாராளுமன்ற அலுவல்கள் குறித்து கௌரவ சபாநாயகர் வைத்தியர் ஜகத் விக்கிரமரத்ன அவர்கள் தலைமையில் கடந்த செப். 25ஆம் திகதி கூடிய பாராளுமன்ற அலுவல்கள் பற்றிய குழுக் கூட்டத்தில் தீர்மானம் எடுக்கப்பட்டது.இதற்கு அமைய ஒக்டோபர் 06ஆம் திகதி செவ்வாய்க்கிழமை மு.ப 9.30 மணி முதல் மு.ப 10.00 மணி வரை நிலையியற் கட்டளை 22(1) இலிருந்து (6) வரையான பாராளுமன்ற அலுவல்களுக்கும், மு.ப. 10.00 மணி முதல் மு.ப. 11.00 மணி வரை வாய்மூல விடைகளுக்கான வினாக்களுக்காகவும், மு.ப. 11.00 மணி முதல் மு.ப. 11.30 மணி வரை பாராளுமன்ற நிலையியற் கட்டளை 27(2) இன் கீழான கேள்விகளுக்காகவும் நேரம் ஒதுக்கப்பட்டுள்ளது.இதனைத் தொடர்ந்து மு.ப 11.30 மணி முதல் பி.ப 5.00 மணிவரை வெளிநாட்டு செலாவணிச் சட்டத்தின் கீழ் 2493/36 மற்றும் 2493/37 ஆம் இலக்க வர்த்தமானிகளில் வெளியிடப்பட்ட ஒழுங்கு விதிகள், 2493/38 ஆம் இலக்க வர்த்தமானியில் பிரசுரிக்கப்பட்ட கட்டளை மற்றும் பொதுத்தனிசு முகாமைத்துவச் சட்டம் ஆகியவை குறித்த விவாதங்கள் இடம்பெறவுள்ளன.அன்றையதினம் பி.ப 5.00 மணி முதல் பி.ப 5.30 மணி வரை அரசாங்கத் தரப்பினால் கொண்டுவரப்படும் ஒத்திவைப்பு நேரத்தின் போதான பிரேரணைக்கு நேரம் ஒதுக்கப்பட்டுள்ளது.ஒக்டோபர் 07ஆம் திகதி புதன்கிழமை மு.ப 9.30 மணி முதல் மு.ப 10.00 மணி வரை நிலையியற் கட்டளை 22(1) இலிருந்து (6) வரையான பாராளுமன்ற அலுவல்களுக்கும், மு.ப. 10.00 மணி முதல் மு.ப 10.30 மணி வரை பிரதம அமைச்சரிடம் கேட்கப்படும் வினாக்களுக்கும், மு.ப. 10.30 மணி முதல் மு.ப 11.00 மணிவரை வரை வாய்மூல விடைகளுக்கான வினாக்களுக்காகவும், மு.ப. 11.00 மணி முதல் மு.ப. 11.30 மணி வரை பாராளுமன்ற நிலையியற் கட்டளை 27(2) இன் கீழான கேள்விகளுக்காகவும் நேரம் ஒதுக்கப்பட்டுள்ளது.இதன் பின்னர் பி.ப 11.30 மணி முதல் பி.ப 5.30 மணி வரை எதிர்க்கட்சியினால் கொண்டுவரப்படும் சபை ஒத்திவைப்புப் பிரேரணை மீதான விவாதத்திற்கு நேரம் ஒதுக்கப்பட்டுள்ளது.ஒக்டோபர் 08ஆம் திகதி வியாழக்கிழமை மு.ப 9.30 மணி முதல் மு.ப 10.00 மணி வரை நிலையியற் கட்டளை 22(1) இலிருந்து (6) வரையான பாராளுமன்ற அலுவல்களுக்கும், மு.ப. 10.00 மணி முதல் மு.ப. 11.00 மணி வரை வாய்மூல விடைகளுக்கான வினாக்களுக்காகவும், மு.ப. 11.00 மணி முதல் மு.ப. 11.30 மணி வரை பாராளுமன்ற நிலையியற் கட்டளை 27(2) இன் கீழான கேள்விகளுக்காகவும் நேரம் ஒதுக்கப்பட்டுள்ளது.அன்றையதினம் மு.ப 11.30 மணி முதல் பி.ப 5.00 மணிவரை ஊழல் எதிர்ப்பு (திருத்தச்) சட்டமூலம் மீதான இரண்டாவது மதிப்பீடுக்காக நேரம் ஒதுக்கப்பட்டுள்ளது. இதன் பின்னர் பி.ப 5.00 மணி முதல் பி.ப 5.30 மணிவரை ஒத்திவைப்பு நேரத்தின் போதான கேள்விகள் எடுத்துக் கொள்ளப்படவுள்ளன.ஒக்டோபர் 09ஆம் திகதி வெள்ளிக்கிழமை மு.ப 9.30 மணி முதல் மு.ப 10.00 மணி வரை நிலையியற் கட்டளை 22(1) இலிருந்து (6) வரையான பாராளுமன்ற அலுவல்களுக்கும், மு.ப. 10.00 மணி முதல் மு.ப. 11.00 மணி வரை வாய்மூல விடைகளுக்கான வினாக்களுக்காகவும், மு.ப. 11.00 மணி முதல் மு.ப. 11.30 மணி வரை பாராளுமன்ற நிலையியற் கட்டளை 27(2) இன் கீழான கேள்விகளுக்காகவும் நேரம் ஒதுக்கப்பட்டுள்ளது.இதனைத் தொடர்ந்து மு.ப 11.30 மணி முதல் பி.ப 5.00 மணி வரை கீழ்வரும் தனியார் உறுப்பினர் பிரேரணைகளுக்காக நேரம் ஒதுக்கப்பட்டுள்ளது. பாராளுமன்ற உறுப்பினரின் பெயர்கள்தனியார் உறுப்பினர் பிரேரணைகௌரவ ஹர்ஷ த சில்வாதியகம வனத்தைப் பாதுகாத்தல்கௌரவ சட்டத்தரணி சித்ரால் பெர்னாந்துபுத்தளம் புகையிரதப் பாதையில் புகையிரத சேவைகளின் எண்ணிக்கையை அதிகரிப்பதற்கான வேலைத்திட்டம் ஒன்றைத் தயாரித்தல்கௌரவ அமிர்தநாதன் அடைக்கலநாதன்1983 ‘கறுப்பு ஜூலை’யின் போது நிகழ்ந்த இன வன்முறைகள் குறித்த உண்மையைக் கண்டறிவதற்கும், அதனால் ஏற்பட்ட சேதங்களை மதிப்பிடுவதற்கும்,மேலும் இதுபோன்ற இனவன்முறைகள் மீண்டும் நிகழாமல் தடுப்பதற்குமான விதப்புரைகளைச் செய்வதற்காக ஜனாதிபதி விசாரணை ஆணைக்குழுவொன்றை நியமித்தல்கௌரவ லசித் பாஷண கமகேவீதி ஒதுக்குப் பிரதேசங்களில் மரங்களை நடுதல், அறிவியல் ரீதியாக முகாமை செய்தல் மற்றும் பராமரித்தல் ஆகியவற்றுக்கான முறையான வழிமுறையொன்றைத் தயாரித்தல்கௌரவ சட்டத்தரணி ஹேஷா விதானகே அங்கும்புர ஆரச்சிஇலங்கையின் சகல கல்வியியற் கல்லூரிகளையும் பல்கலைக்கழக பீடங்களாக மாற்றுதல்கௌரவ சமிந்த விஜேசிறிஇலங்கை வெளிநாட்டு சேவைக்கான நியமனங்கள் வழங்கப்படுவதை முறைப்படுத்துவதற்கான வேலைத்திட்டமொன்றைத் தயாரித்தல்கௌரவ ரவி கருணாநாயக்கஇலங்கையிலுள்ள விளையாட்டு அமைப்புக்களை அரசியல் மயமாக்கலில் இருந்து விடுபடச் செய்தல்இதனையடுத்து பி.ப 5.00 மணி முதல் பி.ப 5.30 மணி வரை எதிர்க்கட்சியினால் கொண்டுவரப்படும் ஒத்திவைப்பு நேரத்தின் போதான பிரேரணை விவாதத்திற்காக நேரம் ஒதுக்கப்பட்டுள்ளது.

மேலும் வாசிக்க

	சட்டத்தின் பெயர்	நிறைவேற்றப்பட்ட திகதி	சான்றுரைக்கப்பட்ட திகதி	சட்டத்தின் இலக்கம்
1	உள்ளூராட்சி அதிகாரசபைகள் தேர்தல்கள் (விசேட ஏற்பாடுகள்) சட்டம்	17.02.2025	17.02.2025	01/2025
2	உண்ணாட்டரசிறை (திருத்தச்) சட்டம்	20.03.2025	20.03.2025	02/2025
3	ஒதுக்கீட்டுச் சட்டம்	21.03.2025	21.03.2025	03/2025
4	சேர்பெறுமதி வரி (திருத்தச்) சட்டம்	09.04.2025	11.04.2025	04/2025
5	குற்றச் செயல்களின் வரும்படிகள் சட்டம்	08.04.2025	30.04.2025	05/2025
6	வெளிநாட்டுக் கடன்கள் (நீக்குதல்) சட்டம்	23.05.2025	23.05.2025	06/2025
7	குற்றவியல் நடவடிக்கைமுறைச் சட்டக்கோவை (திருத்தச்) சட்டம்	04.06.2025	18.06.2025	07/2025
8	தேசிய போக்குவரத்து ஆணைக்குழு (திருத்தச்) சட்டம்	05.06.2025	19.06.2025	08/2025
9	வேலையாட்களின் வரவுசெலவுத்திட்ட நிவாரணப்படி (திருத்தச்) சட்டம்	22.07.2025	23.07.2025	09/2025
10	வேலையாட்களின் வரவுசெலவுத்திட்ட நிவாரணப்படி (திருத்தச்) சட்டம்	22.07.2025	23.07.2025	10/2025
11	வேலையாளர்களின் தேசிய குறைந்தபட்ச வேதனம் (திருத்தச்) சட்டம்	22.07.2025	23.07.2025	11/2025
12	கம்பெனிகள் (திருத்தச்) சட்டம்	24.07.2025	04.08.2025	12/2025
13	நாணய மாற்றுண்டியல்கள் (திருத்தச்) சட்டம்	07.08.2025	15.08.2025	13/2025
14	இலங்கை மின்சார (திருத்தச்) சட்டம்	06.08.2025	18.08.2025	14/2025
15	சமுர்த்தி (திருத்தச்) சட்டம்	20.08.2025	22.08.2025	15/2025
16	இறப்பர் கட்டுப்பாட்டு (திருத்தச்) சட்டம்	20.08.2025	22.08.2025	16/2025
17	பணச்சூதாட்டத்தை ஒழுங்குபடுத்தும் அதிகாரசபைச் சட்டம்	19.08.2025	03.09.2025	17/2025
18	சனாதிபதிகளின் உரித்துரிமைகள் (நீக்குதல்) சட்டம்	10.09.2025	10.09.2025	18/2025
19	தேசிய கணக்காய்வு (திருத்தச்) சட்டம்	11.09.2025	22.09.2025	19/2025
20	தேசிய கட்டிட ஆராய்ச்சி நிறுவக சட்டம்	23.09.2025	07.10.2025	20/2025
21	விளையாட்டில் ஊக்கு பதார்த்தப் பயன்பாட்டிற்கெதிரான சமவாயம் (திருத்தச்) சட்டம்	07.10.2025	07.10.2025	21/2025
22	தனிப்பட்ட தரவுப் பாதுகாப்பு (திருத்தச்) சட்டம்	21.10.2025	30.10.2025	22/2025
23	ஒதுக்கீட்டுச் சட்டம்	05.12.2025	05.12.2025	23/2025
24	சமூகப் பாதுகாப்பு உதவுத்தொகை அறவீடு (திருத்தச்) சட்டம்	05.12.2025	17.12.2025	24/2025
25	பந்தய, சூதாட்ட விதிப்பனவு (திருத்தச்) சட்டம்	05.12.2025	17.12.2025	25/2025
26	செயல்நுணுக்க அபிவிருத்தி கருத்திட்டங்கள் (திருத்தச்) சட்டம்	05.12.2025	17.12.2025	26/2025

பாராளுமன்ற செய்தி

2025ஆம் ஆண்டில் பாராளுமன்றத்தில் 26 சட்டங்கள் நிறைவேற்றம்

தொடர்புடைய செய்திகள்

ஏற்றுமதி கமத்தொழில் ஊக்குவிப்பு (திருத்தச்) சட்டமூலத்தை சான்றுரைப்படுத்தினார் சபாநாயகர்

ஒக்டோபர் 06ஆம் திகதி முதல் 09ஆம் திகதி வரை பாராளுமன்றம் கூடும்

பாராளுமன்றத்திற்கு வருகை தருதல்

கற்க

பங்கேற்க

பாராளுமன்ற உறுப்பினர்கள்

முதற்பக்கம்

பாராளுமன்ற அலுவல்கள்

செயலகம்

பாராளுமன்ற நேரலை

பாராளுமன்ற செய்தி

2025ஆம் ஆண்டில் பாராளுமன்றத்தில் 26 சட்டங்கள் நிறைவேற்றம்

தொடர்புடைய செய்திகள்

ஏற்றுமதி கமத்தொழில் ஊக்குவிப்பு (திருத்தச்) சட்டமூலத்தை சான்றுரைப்படுத்தினார் சபாநாயகர்

ஒக்டோபர் 06ஆம் திகதி முதல் 09ஆம் திகதி வரை பாராளுமன்றம் கூடும்

பாராளுமன்றத்திற்கு வருகை தருதல்

கற்க

பங்கேற்க

பாராளுமன்ற உறுப்பினர்கள்

முதற்பக்கம்

பாராளுமன்ற அலுவல்கள்

செயலகம்

பாராளுமன்ற நேரலை

உங்கள் அந்தரங்கத்தை நாம் மதிக்கிறோம்

"சரி" என்பதைக் கிளிக் செய்வதன் மூலம், பின்வருவனவற்றை நீங்கள் ஏற்றுக் கொள்கிறீர்கள்: