1120/2025
கௌரவ ரவீந்திர பண்டார,— நிதி, திட்டமிடல் மற்றும் பொருளாதார அபிவிருத்தி அமைச்சரைக் கேட்பதற்கு,—
(அ) (i) அரசாங்கத்தின் முன்னுரிமைப் பணிகளை நிறைவேற்றுவதற்கான ஆற்றலை விருத்தி செய்வதற்காக 1999 ஆம் ஆண்டில் ஆட்சேர்ப்புச் செய்யப்பட்ட பட்டதாரி பயிலுநர்களின் எண்ணிக்கை யாதென்பதையும்;
(ii) இவர்களின் பட்டதாரி பயிலுநர் நியமனங்கள் நிரந்தரமாக்கப்பட்டுள்ள திகதி யாதென்பதையும்;
(iii) அத்தகைய நிரந்தரமாக்கலுக்கான அறிவுறுத்தல்களை/சுற்றறிக்கையை வெளியிட்டுள்ள நிறுவனம் யாதென்பதையும்;
(iv) அதன்போது பின்பற்றப்பட்டுள்ள வழிமுறை யாது என்பதையும்;
(v) அத்தகைய அறிவுறுத்தல் கடிதத்தின்/சுற்றறிக்கையின் பிரதியைச் சமர்ப்பிப்பாரா என்பதையும்;
அவர் அறிவிப்பாரா?
(ஆ) (i) மத்திய அரசாங்கத்தின் ஒவ்வோர் நிரல் அமைச்சு, மாகாண அமைச்சு, திணைக்களங்கள் மற்றும் நிறுவனங்கள் வாரியாகவும் அத்துடன் ஒவ்வொரு பதவிக்குரிய வகுதி வாரியாகவும் மேற்படி பட்டதாரிகளில் நிரந்தரமாக்கப் பட்டுள்ளவர்களின் எண்ணிக்கை வெவ்வேறாக யாது என்பதையும்;
(ii) அத்தகைய பதவி வகுதி ஒவ்வொன்றுக்கும் ஏற்புடைய ஆரம்பச் சம்பளம், சம்பள அளவுத் திட்டம் மற்றும் சம்பளக் குறியீட்டு இலக்கம் வெவ்வேறாக யாது என்பதையும்;
(iii) பணி நிரந்தரமாக்கப்பட்டதன் பின்னர் மேற்படி பட்டதாரிகளுக்கான சேவைப் பிரமாணக் குறிப்பு/ஆட்சேர்ப்பு நடைமுறைகள் தயாரிக்கப்பட்டுள்ளனவா என்பதையும்;
(iv) அவ்வாறாயின், அவை எந்த ஆண்டில் தயாரிக்கப்பட்டுள்ளன என்பதையும்;
(v) அவற்றின் பிரதிகளைச் சமர்ப்பிப்பாரா என்பதையும்;
(vi) சேவைப் பிரமாணக் குறிப்பு/ஆட்சேர்ப்பு நடைமுறைகள் தயாரிக்கப்படவில்லை எனின், அதற்கான காரணங்கள் யாவை என்பதையும்;
(vii) சேவைப் பிரமாணக் குறிப்பின்படி, பதவி உயர்வு வழங்கும் நடைமுறை யாது என்பதையும்;
அவர் அறிவிப்பாரா?
(இ) இன்றேல், ஏன்?
கேட்கப்பட்ட திகதி
2025-08-20
கேட்டவர்
கௌரவ ரவீந்திர பண்டார, பா.உ.
சட்டவாக்கம்
இலங்கை சனநாயக சோசலிசக் குடியரசின் பத்தாவது பாராளுமன்றம்
கூட்டத்தொடர்
1
பதில் தேதி
0000-00-00
பாராளுமன்றத்திற்கு வருகை தருதல்
பாராளுமன்றத்தின் கையேடு
இலங்கையில் தேர்தல் முறை
பாராளுமன்றம் எவ்வாறு செயல்படுகிறது
பாராளுமன்ற அலுவல்கள்
பதிப்புரிமை © இலங்கை பாராளுமன்றம்.
முழுப்பதிப்புரிமையுடையது.
வடிவமைத்து உருவாக்கியது TekGeeks
