2018-11-29
தகவல் மற்றும் தொடர்பாடல் தொழில்நுட்ப முகவராண்மையினால் (ICTA) ஒழுங்குசெய்யப்பட்டிருந்த ‘ஈ-சுவாபிமானி டிஜிட்டல் சமூக தாக்க விருதுகள் - 2018’ இல் அரச மற்றும் குடிமக்கள் ஈடுபாடு பிரிவின் வெற்றியாளராக இலங்கை பாராளுமன்ற கையடக்க பயன்பாடு தெரிவு செய்யப்பட்டுள்ளது. இவ்வைபவம் 2018 நவம்பர் 29 அன்று கொழும்பு காலி முகத்திடல் ஹோட்டலில் நடைபெற்றது. 8 வருடங்களாக தொடர்ந்து நடைபெற்று வரும் இப்போட்டியில் பாராளுமன்ற கையடக்க பயன்பாடானது, வெற்றியாளராக அங்கீகரிக்கப்பட்டிருப்பது இது இரண்டாவது தடவையாகும். இதற்கு முதல் 2016 இல் வெற்றி கொண்டது.
2009 இல் அறிமுகஞ் செய்யப்பட்ட ஈ-சுவாபிமானியானது, தகவல் மற்றும் தொடர்பாடல் தொழில்நுட்ப முகவராண்மையினால் சிறந்த டிஜிட்டல் உள்ளடக்க உருவாக்கங்களை அங்கீகரிப்பதை நோக்காகக் கொண்டு முன்னெடுக்கப்படும் ஒன்றாகும். இது உலக உச்சி மாநாட்டு விருதை (WSA) ஒரு மைல்கல்லாக, தகவல் சமூகத்திற்கான உலக உச்சி மாநாடு (WSIS) மீதான ஐக்கிய நாடுகளின் வரம்பிற்குட்பட்டு செயல்படுத்தப்படலை வைத்து பணியாற்றுகின்றது. இவ்வருட போட்டியானது, ஒன்பது பிரிவுகளை உள்ளடக்கி நடாத்தப்பட்டதுடன் வெற்றியாளர்கள் பல்வேறு துறைகளிலிருந்து பெறப்பட்ட சிறந்த நிபுணர்களை உள்ளடக்கிய நடுவர்களின் மதிப்பீட்டின் பின்னர் தெரிவு செய்யப்படுவர்.
நடுவர்களின் மதிப்பீடானது இவ்வாறு கூறுகின்றது:
“கையடக்க ஊடுருவல் மற்றும் விரைவாக வேகத்தில் பயன்பாடுகளின் பாவனையை உணருகின்ற இலங்கையின் இக்காலத்தில், பாராளுமன்றத்தின் செயற்பாடுகள் மற்றும் அதன் அலுவலகங்கள் மற்றும் உறுப்பினர்களிடம் குடிமக்களை இணைப்பதன் மூலம் பொதுமக்களின் நலனுக்கான தொழில்நுட்பத்தை பயன்படுத்துவதன் மூலம், இது சரியான நேரத்தில் மற்றும் முக்கிய ஆரம்பமொன்றாகும். இந்த பயன்பாட்டை நாட்டின் அனைத்து குடிமக்கள், தங்கள் பாராளுமன்ற உறுப்பினர்கள் மற்றும் அவர்களது அலுவலகங்களுடன் நடுநிலையான மற்றும் சம வாய்ப்புடன் ஈடுபட முடியுமாகவுள்ளதால் நேரடி அணுகலானது அவர்களின் பிரச்சினைகள், கேள்விகள் மற்றும் சிக்கல்களை தீர்க்க உதவுகின்றது.
இப்பயன்பாடானது, பாராளுமன்ற நடவடிக்கைகளில் வீடியோ நேரலையினை வழங்குவதில் உதவுகிறது, நடத்தை மற்றும் முடிவுகளுக்கு வெளிப்படைத்தன்மைக்கு உதவுகிறது, பாராளுமன்ற உறுப்பினர்களால் மேற்கொள்ளப்படும் நடத்தை மற்றும் முடிவுகள் மூலம் பொதுமக்களுக்கு நடவடிக்கைமுறையின் புரிதலை அதிகப்படுத்துகிறது.
மும்மொழிகளிலும் உள்ள முதல் அரச கையடக்க பயன்பாடான இது, அனைத்து குடிமக்களுக்கும் மொழி தடையின்றி இணைந்து கொள்ள வாய்ப்பளிப்பதுடன் டிஜிட்டல் சமூக தாக்கத்தை உருவாக்கும் உண்மையான அர்த்தத்தில், நாட்டை வடிவமைக்கும் ஈடுபாட்டை ஊக்குவிக்கின்றது.”
2026-10-15
பேராதனை ரணபிம ரோயல் கல்லூரி மாணவர் பாராளுமன்றத்தின் கன்னி அமர்வு, பிரதி குழுக்களின் தவிசாளர் கௌரவ ஹேமாலி வீரசேகர அவர்களின் தலைமையில், ஜனாதிபதி செயலகத்தின் பழைய பாராளுமன்ற சபை மண்டபத்தில் கடந்த 14ஆம் திகதி நடைபெற்றது.பேராதனை ரணபிம கல்லூரி மாணவர்களுக்கு பாராளுமன்ற நடைமுறைகள் தொடர்பில் நடைமுறை அனுபவங்களை வழங்கும் நோக்கில் ஜனாதிபதி செயலகம் மற்றும் இலங்கைப் பாராளுமன்றத்தின் தொடர்பாடல் திணைக்களம் ஆகியன கல்லூரியுடன் இணைந்து இந்நிகழ்ச்சித்திட்டத்தை ஏற்பாடு செய்திருந்தன.இங்கு உரையாற்றிய பிரதி குழுக்களின் தவிசாளர் கௌரவ ஹேமாலி வீரசேகர அவர்கள், மாணவர் பாராளுமன்ற நிகழ்ச்சித்திட்டங்கள் எதிர்காலத் தலைவர்களை உருவாக்குவதற்கான சிறந்த தளமாக அமைகின்றன எனத் தெரிவித்தார். தலைமைத்துவம் என்பது ஓர் அலங்காரம் அல்ல என்றும், பிறரின் நலனுக்காகப் பயன்படுத்தப்பட வேண்டிய ஒரு கருவி என்றும் அவர் சுட்டிக்காட்டினார்.மேலும், சமூகத்தின் முன்னேற்றத்திற்கும் எதிர்காலத்தில் சிறந்ததொரு சமூகத்தைக் கட்டியெழுப்புவதற்குமான முழுமையான பொறுப்பு இளைஞர்களுக்கும் சிறுவர்களுக்கும் உரியது எனத் தெரிவித்த அவர், பாரம்பரியமான சிந்தனைச் சட்டகங்களுக்கு அப்பால் சிந்திப்பதன் முக்கியத்துவத்தையும் வலியுறுத்தினார்.இலங்கைப் பாராளுமன்றத்தின் மனிதவள அபிவிருத்திப் பிரிவின் பிரதானியும் நிர்வாக உதவிப் பணிப்பாளருமான சூலா ஹேரத் அவர்கள், பாராளுமன்றம் மற்றும் சட்டவாக்கச் செயற்பாடுகள் தொடர்பில் மாணவர்களுக்கு விளக்கமளித்தார்.பேராதனை ரணபிம கல்லூரி மாணவர் பாராளுமன்றத்தின் முதலாவது அமர்வை ஆரம்பித்து, சபாநாயகர் தெரிவு செய்யப்பட்டதைத் தொடர்ந்து, பிரதமர் உள்ளிட்ட அமைச்சரவையினரும் ஏனைய உறுப்பினர்களும் பதவிப் பிரமாணம் செய்துகொண்டனர். பின்னர், மாணவர் பாராளுமன்றத்தின் ஒவ்வொரு அமைச்சரும் தமது அமைச்சின் ஊடாக நடைமுறைப்படுத்துவதற்கு உத்தேசித்துள்ள திட்டங்கள் தொடர்பில் சபைக்கு விளக்கமளித்தனர்.இதன்போது, மாணவர் பாராளுமன்றத்தைப் பிரதிநிதித்துவப்படுத்தும் மாணவர்களுக்கான சான்றிதழ்களும் அதிதிகளால் வழங்கப்பட்டன.நிகழ்ச்சித்திட்டத்தின் நிறைவில், பேராதனை ரணபிம கல்லூரியின் அதிபர் எம். எம். பெரேரா அவர்கள் நன்றியுரை நிகழ்த்தினார். நாட்டின் சிறுவர்களின் எதிர்காலத்தைக் கருத்திற்கொண்டு இலங்கைப் பாராளுமன்றத்தினால் முன்னெடுக்கப்படும் இவ்வாறான நிகழ்ச்சித்திட்டங்கள் தொடர்பில் அவர் தனது பாராட்டுகளையும் தெரிவித்தார்.இந்நிகழ்ச்சியில், ஜனாதிபதியின் மக்கள் தொடர்புப் பணிப்பாளர் நாயகம் தர்மசிறி கமகே, ஜனாதிபதியின் சிரேஷ்ட மேலதிக செயலாளர் சுபாஷ் ரோஷன், ஜனாதிபதி செயலகத்தின் உதவிப் பணிப்பாளர் லெப்டினன்ட் கேணல் நதீக தங்கொல்ல உள்ளிட்ட அதிகாரிகள் பலரும் கலந்துகொண்டனர்.
2026-10-15
இலங்கை பாராளுமன்றத்தின் நவராத்திரி விழா எதிர்வரும் ஒக். 20ஆம் திகதி பாராளுமன்ற வளாகத்தில் இடம்பெறவுள்ளது. இலங்கையின் பல் மத சகவாழ்வை அடையாளப்படுத்தும் வகையில் கொண்டாடப்படவிருக்கும் இந்த நவராத்திரி விழாவில் கௌரவ பிரதமர் (கலாநிதி) ஹரினி அமரசூரிய, கௌரவ சபாநாயகர் வைத்தியர், அமைச்சர்கள், இராஜாங்க அமைச்சர்கள் மற்றும் பாராளுமன்ற உறுப்பினர்கள் பலரும் கலந்துகொள்ளவுள்ளனர்.இந்து பக்தர்களால் மிகவும் பக்தியுடன் கொண்டாடப்படும் நிகழ்வாக இந்த நவராத்திரி விழா காணப்படுகின்றது. இது ஒவ்வொரு ஆண்டும் பொதுவாக ஒக்டோபர் மாதத்தில் கொண்டாடப்படுவதுடன், முப்பெரும் சக்திகளை நினைத்து ஒன்பது இரவுகள் வழிபடும் நிகழ்வாகும். இதில் முதல் மூன்று நாட்களும் துர்க்கா தேவியை வேண்டி வழிபாடுகள் நிகழ்த்தப்படும். அடுத்த மூன்று நாட்கள் அழியாத செல்வத்தையும் புகழையும் தரும் லக்ஷமி தேவியை வேண்டியும், இறுதி மூன்று நாட்கள் கல்விச் செல்வத்தை வேண்டி சரஸ்வதி தேவியை நினைத்தும் வழிபாடுகள் நிகழத்தப்படும். பத்தாவது நாளில் வித்யாரம்பம் இடம்பெறும்.கௌரவ சபாநாயகரின் வழிகாட்டுதல்களுக்கு அமை புத்தசாசன, சமய மற்றும் கலாசார அலுவல்கள் அமைச்சின் கீழ் இயங்கும் இந்து சமய கலாசார அலுவல்கள் திணைக்களத்தின் ஒத்துழைப்புடன் இலங்கைப் பாராளுமன்ற இவ்விழாவை ஏற்பாடு செய்துள்ளது.
2026-10-13
சிறுநீரக நோயாளர்கள் 53,604 பேருக்கு மாதாந்தம் தலா 10,000 ரூபா கொடுப்பனவை வழங்குவதற்காக, இவ்வருடம் ஆகஸ்ட் மாதமளவில் அடையாளம் காணப்பட்டிருந்ததாக கௌரவ கிராமிய அபிவிருத்தி, சமூகப் பாதுகாப்பு மற்றும் சமூக வலுவூட்டல் அமைச்சர் கலாநிதி உபாலி பன்னிலகே தெரிவித்தார்.கௌரவ பாராளுமன்ற உறுப்பினர் ரோஹண பண்டார அவர்களால் முன்வைக்கப்பட்ட வாய்மூல விடைக்கான வினாக்களுக்குப் பாராளுமன்றத்தில் பதிலளிக்கும்போதே அமைச்சர் இதனைத் தெரிவித்தார்.கொடுப்பனவைப் பெற்றுக்கொள்வதற்காகக் காத்திருப்போர் பட்டியல் எதுவும் இல்லை எனவும், விண்ணப்பிக்கும் சிறுநீரக நோயாளர்களின் தகைமைகளின் அடிப்படையில் மாதாந்தக் கொடுப்பனவு வழங்கப்படுவதாகவும் அவர் மேலும் தெரிவித்தார்.
2026-10-13
நாடு முழுவதும் தற்போது 19,646 தனியார் பேருந்துகள் சேவையில் ஈடுபடுத்தப்பட்டுள்ளதாக போக்குவரத்து, நெடுஞ்சாலைகள் மற்றும் நகர அபிவிருத்தி பிரதி அமைச்சர் வைத்தியர் பிரசன்ன குணசேன தெரிவித்தார்.கௌரவ பாராளுமன்ற உறுப்பினர் ருவன்திலக ஜயக்கொடி எழுப்பிய வாய்மூல விடைக்கான கேள்விக்குப் பதிலளிக்கும் போதே, பிரதி அமைச்சர் இதனைத் தெரிவித்தார். இதற்கமைய, மாகாணங்களுக்கு இடையிலான தனியார் பேருந்து சேவைகள் தேசிய போக்குவரத்து ஆணைக்குழுவினால் ஒழுங்குபடுத்தப்படுவதுடன், மாகாணங்களுக்குள் சேவையில் ஈடுபடும் பேருந்துகள் அந்தந்த மாகாணங்களைச் சேர்ந்த ஒன்பது வீதிப் பயணிகள் போக்குவரத்து அதிகார சபைகளினால் ஒழுங்குபடுத்தப்படுவதாகவும் பிரதி அமைச்சர் தெரிவித்தார்.மேலும், பொதுப் பேருந்து நிலையங்களில் தனியார் பேருந்துகளிடமிருந்து சட்டவிரோதமாகப் பணம் அறவிடுவதற்கு எவருக்கும் சட்டரீதியான அதிகாரமோ அனுமதியோ இல்லை எனவும் அவர் குறிப்பிட்டார்.இவ்வாறான பண அறவீடுகளைத் தடுப்பதற்காகப் பேருந்து பணியாளர்களுக்கு விழிப்புணர்வு ஏற்படுத்தப்பட்டுள்ளதாகவும், இத்தகைய சம்பவங்கள் தொடர்பில் முறைப்பாடுகள் கிடைக்கப்பெற்றால் இலங்கைப் பொலிஸாரின் ஊடாக சட்ட நடவடிக்கை எடுக்கப்படும் எனவும் பிரதி அமைச்சர் மேலும் தெரிவித்தார்.
பாராளுமன்றத்திற்கு வருகை தருதல்
பாராளுமன்றத்தின் கையேடு
இலங்கையில் தேர்தல் முறை
பாராளுமன்றம் எவ்வாறு செயல்படுகிறது
பாராளுமன்ற அலுவல்கள்
பதிப்புரிமை © இலங்கை பாராளுமன்றம்.
முழுப்பதிப்புரிமையுடையது.
வடிவமைத்து உருவாக்கியது TekGeeks
