பாராளுமன்றம்

ஏற்படக்கூடிய பல்வேறு சவால்களுக்கு மத்தியிலும் இந்த நாட்டின் உயரிய நிறுவனமான பாராளுமன்றத்தின் பணிகளை அதிக வினைத்திறனுடன் முன்னெடுப்பதற்கு அனைத்துப் பணியாளர்களின் அதிபசட்ச ஒத்துழைப்பை எதிர்பார்ப்பதாகப் பாராளுமன்ற செயலாளர் நாயகம் குஷானி ரோஹணதீர அண்மையில் தெரிவித்தார்.

பாராளுமன்ற செயலாளர் நாயகமாகப் பதவியேற்ற பின்னர் அண்மையில் (ஜூன் 13) முதன்முறையாகப் பாராளுமன்ற பணியாளர்கள் மத்தியில் உரையாற்றும் போது அவர் இவ்வாறு தெரிவித்தார்.

எதிர்வரும் சில வருடங்களில் அதிகளவான அனுபவமிக்க பாராளுமன்ற பணியாளர்கள் ஓய்வு பெறவுள்ள நிலையில், ஏற்படும் சூழ்நிலைகளை நிர்வகித்து அதிகபட்ச சேவையை வழங்க வேண்டியதன் அவசியத்தை அவர் சுட்டிக்காட்டினார்.

அத்துடன், பாராளுமன்ற பணியாட் தொகுதியில் நிர்வாக சேவை அதிகாரிகளை ஆட்சேர்ப்புச் செய்யவிருப்பதாக வெளியான செய்தியில் எவ்வித உண்மையும் இல்லையென செயலாளர் நாயகம் தெரிவித்தார்.