பாராளுமன்றம்

பாராளுமன்ற உறுப்பினர்களின் ஆங்கில மொழித் திறனை மேலும் விருத்திசெய்ய புதிய வேலைத்திட்டமொன்று ஆரம்பிக்கப்பட்டுள்ளது.

அதன் அங்குரார்ப்பண நிகழ்வு கௌரவ சபாநாயகர் மஹிந்த யாப்பா அபேவர்தன தலைமையில் நேற்று (15) இடம்பெற்றது.

தேசிய மொழி கல்வி மற்றும் பயிற்சி நிறுவனம் இந்தத் திட்டத்திற்கான வளவாளர்களை வழங்குகின்றது.

அடுத்த ஆண்டு மார்ச் வரை இந்த வேலைத்திட்டம் இடம்பெறவுள்ளது.

இந்நிகழ்வில் 30க்கும் மேற்பட்ட பாராளுமன்ற உறுப்பினர்கள் கலந்துகொண்டிருந்தனர்.

அமைச்சர் ஜனக பண்டார தென்னகோன் உள்ளிட்ட அமைச்சர்கள், பாராளுமன்ற உறுப்பினர்கள் மற்றும் பாராளுமன்ற செயலாளர் நாயகம் தம்மிக்க தசநாயக்க உள்ளிட்ட பாராளுமன்ற அதிகாரிகள் சிலரும் இந்த அங்குரார்ப்பண நிகழ்வில் கலந்துகொண்டனர்.