பாராளுமன்றம்

அதிமேதகு ஜனாதிபதி கோட்டாபய ராஜபக்ஷ அவர்களால் கடந்த 30ஆம் திகதி அமுலுக்குக் கொண்டுவரப்பட்ட அத்தியாவசிய உணவு விநியோகம் தொடர்பிலான அவசரகால சட்ட ஒழுங்கு விதிகள் தொடர்பான பிரகடனம் 81 மேலதிக வாக்குகளால் பாராளுமன்றத்தில் இன்று (06) நிறைவேற்றப்பட்டது.

அதற்கு ஆதரவாக 132 வாக்குகள் வழங்கப்பட்டதுடன், எதிராக 51 வாக்குகள் வழங்கப்பட்டன.

ஆளும்கட்சி உறுப்பினர்கள் அவசரகால சட்ட ஒழுங்கு விதிகளுக்கு ஆதரவாக வாக்களித்ததுடன், ஐக்கிய மக்கள் சக்தி கட்சி உள்ளிட்ட எதிர்க்கட்சி உறுப்பினர்கள் எதிராக வாக்களித்தனர்.