පාර්ලිමේන්තුව

ශ්‍රී ලංකාවේ කොරියානු ජනරජ නව තානාපති, මියොන් ලී මහත්මිය කථානායක ගරු මහින්ද යාපා අබේවර්ධන මහතා පසුගියදා (අගෝ. 03) පාර්ලිමේන්තුවේදී හමුවිය.

මෙහිදී පැවති සුහද සාකච්ඡාවේදී දෙරට අතර සබදතාවය අංශ කිහිපයක් ඔස්සේ වැඩිදියුණු කිරීම පිළිබද අවධානය යොමුවූ අතර   ශ්‍රී ලංකාවේ කෘෂිකාර්මික ක්ෂේත්‍රයට සහය දැක්වීමට දැනට සිදු කෙරෙන පර්යේෂණ හා සංවර්ධන සහය ඉදිරියටත් ලබා දෙන බවට තානාපතිවරයා අවධාරණය කළේය.

තවද, අධ්‍යාපනය, ප්‍රවාහනය, ජල කළමනාකරණය සහ සනීපාරක්ෂාව මෙන්ම ග්‍රාමීය සංවර්ධනය සඳහා KOICA  ආයතනය හරහා ආධාර ලබාදීම පිළිබදව ද  මෙහිදී සාකච්ඡා කෙරිණි.

පාර්ලිමේන්තුවේ වැඩබලන මහලේකම් හංස අබේරත්න මහතා ද මෙම අවස්ථාවට එක්ව සිටියේය.