පාර්ලිමේන්තුව

2023 රාජ්‍ය සේවා කැරම් තරඟාවලියේ A කාණ්ඩයේ සහ C කාණ්ඩයේ ශූරතාවය දිනා ගැනීමට පාර්ලිමේන්තු කාර්ය මණ්ඩලයීය ක්‍රීඩා සමාජය පසුගිය දා සමත්විය.  

A කාණ්ඩයේ අවසන් තරඟයේදී කොළඹ විශ්වවිද්‍යාලයීය කණ්ඩායම ද C කාණ්ඩයේ අවසන් තරගයේදී මොරටුව විශ්වවිද්‍යාලීය කණ්ඩායම ද පරාජය කරමින් පාර්ලිමේන්තු කාර්ය මණ්ඩලයීය ක්‍රීඩා සමාජය විසින් ශූරතාව දිනාගන්නා ලදී.

මෙහිදී පාර්ලිමේන්තු කාර්ය මණ්ඩලයීය ක්‍රීඩා සමාජය නියෝජනය කරමින් A කාණ්ඩයේ තරග සදහා  සුජීව ලසන්ත (නායක), රසික රාජපක්ෂ, ගයාන් පෙරේරා, ප්‍රියන්ත ධර්මසේන සහ සංජය ප්‍රනාන්දු ද, C කාණ්ඩයේ තරග සඳහා තරිදු පෙරේරා (නායක), බවන්ත ශාමික, ප්‍රදීප් පුෂ්පකුමාර, ආර්.එම්. රත්නායක සහ චතුෂ්ක මධුසංක ද සහභාගී වූහ.

ශූරතාව දිනාගත් පාර්ලිමේන්තු කාර්ය මණ්ඩලයීය ක්‍රීඩා සමාජයට පාර්ලිමේන්තුවේ මහලේකම් කුෂානි රෝහණදීර මහත්මිය, සහකාර මහලේකම් හංස අබේරත්න මහතා ඇතුළු ජ්‍යෙෂ්ඨ කාර්ය මණ්ඩලය විසින් සුබ පැතුම් එක් කිරීම ද සිදුවිය.