පාර්ලිමේන්තුව

පැමිණෙන විවිධ අභියෝග මැද මේ රටේ උත්තරීතරම ආයතනයක් වන පාර්ලිමේන්තුවේ කටයුතු උපරිම කාර්යක්ෂමතාවකින් ඉටු කිරීම සදහා කාර්ය මණ්ඩලයේ සියලු දෙනාගේම උපරිම සහය අපේක්ෂා කරන බව පාර්ලිමේන්තුවේ මහලේකම් කුෂානි රෝහණදීර මහත්මිය පසුගියදා පැවසුවාය.

ධුරයට පත්වීමෙන් පසු ප්‍රථමවරට පාර්ලිමේන්තු කාර්ය මණ්ඩලය අමතමින් පසුගියදා (ජුනි 13) ඇය මේ බව ප්‍රකාශ කළාය.

විශේෂයෙන් අත්දැකීම් බහුල පාර්ලිමේන්තු කාර්ය මණ්ඩලයේ විශාල පිරිසක් ඉදිරි වසර කිහිපය තුළ විශ්‍රාම යාමට නියමිත බැවින් ඇතිවන තත්ත්වයන් කලමනාකරණය කරමින් උපරිම සේවයක් ලබාදීමේ අවශ්‍යතාව ඇය පෙන්වා දුන්නාය.

එසේම පාර්ලිමේන්තු කාර්ය මණ්ඩලය සදහා පරිපාලන සේවයේ නිලධාරීන් බඳවා ගන්නා බවට පළ වූ පුවත්වල කිසිදු සත්‍යතාවක් නොමැති බවත් මහලේකම්වරිය මෙහිදී අවධාරණය කර සිටියාය.