පාර්ලිමේන්තුව

ශ්‍රී ලංකා තානාපතිවරුන්ගේ සංසදය මගින් ප්‍රකාශයට පත් කරන, "මූල්‍ය සේවා විදේශ ප්‍රතිපත්ති පිළිබඳ ඉදිරි දර්ශන" ග්‍රන්ථයේ නවවැනි වෙළුම කථානායක ගරු මහින්ද යාපා අබේවර්ධන මහතා වෙත පිළිගැන්වීම ඊයේ (ජුනි 12) කථානායක නිල නිවසේ දී සිදු කෙරිණි.

ජනාධිපති නීතිඥ සරත් විජේසිංහ මහතා විසින් සංස්කරණය කරනු ලබන "මූල්‍ය සේවා විදේශ ප්‍රතිපත්ති පිළිබඳ ඉදිරි දර්ශන" ග්‍රන්ථයේ නවවැනි වෙළුම විෂය ප්‍රමාණික විද්වතුන් 26 දෙනෙකුගේ ලේඛන දායකත්වයෙන් සමන්විත වේ.

මෙම අවස්ථාවට නාලන්දාරාමාධිපති අතිපූජ්‍ය තීනියාවල පාලිත හිමි, ජනාධිපති නීතිඥ සරත් විජේසිංහ මහතා, මහාචාර්ය ප්‍රතිභා මහානාම මහතා, ශ්‍රී ලංකා නීතිඥ සංගමයේ හිටපු සභාපති කථිකාචාර්ය සාලිය පීරිස් මහතා, ජේෂ්ඨ නියෝජ්‍ය පොලිස්පති අජිත් රෝහණ මහතා, තුමිලන් ශිවරාජ් මහතා, ජේෂ්ඨ මාධ්‍යවේදී සංඛ අමරජිත් මහතා ඇතුළු විශේෂ ආරාධිත අමුත්තන් රැසක් සහභාගී විය.