පාර්ලිමේන්තුව

අතිගරු ජනාධිපති ගෝඨාභය රාජපක්ෂ මහතා අද (07) පාර්ලිමේන්තුවට පැමිණි අතර, පෙරවරු 10.15 ට පමණ පාර්ලිමේන්තු සභා ගර්භයට පිවිසියේය.

අග්‍රාමාත්‍යතුමා විසින් අධිභාර බද්ද පනත්‍ කෙටුම්පත දෙවනවර කියවීම සඳහා පාර්ලිමේන්තුවට ඉදිරිපත් කිරීමෙන් පසු පක්ෂ විපක්ෂ මන්ත්‍රීවරයන් විසින් ඒ පිළිබඳ අදහස් දක්වන අවස්ථාවටද ජනාධිපතිතුමා සහභාගී විය.

මෙහිදී විරුද්ධ පාර්ශවය වෙනුවෙන් පාර්ලිමේන්තු මන්ත්‍රී හර්ෂ ද සිල්වා මහතා අධිභාර බද්ද පනත්‍ කෙටුම්පත පිළිබඳව අදහස් දැක්වීය. ඉන්පසු පනත් කෙටුම්පත සඳහා කාරක සභා අවස්ථාවේදී සංශෝධන ඉදිරිපත් කරන අවස්ථාවටද ජනාධිපතිතුමා එක්ව සිටියේය.