ශ්‍රී ලංකා පාර්ලිමේන්තුව - පුවත් - ශ්‍රී ලංකාවේ රුසියානු තානාපති හා කථානායක මහින්ද යාපා අතර හමුවක්

ශ්‍රී ලංකාවේ රුසියානු තානාපති හා කථානායක මහින්ද යාපා අතර හමුවක්	දිනය :	2020-08-28

ශ්‍රී ලංකාවේ රුසියානු තානාපති යූරි මැටරී මහතා අද (28) පස්වරුවේ කථානායක ගරු මහින්ද යාපා අබේවර්ධන මහතාව මුණගැසුණේය. මෙම අවස්ථාවට නාගරික සංවර්ධන, වෙරළ සංරක්ෂණ, අපද්‍රව්‍ය බැහැරලීම හා ප්‍රජා පවිත්‍රතා කටයුතු රාජ්‍ය අමාත්‍ය ආචාර්ය නාලක ගොඩහේවා මහතා සහ පාර්ලිමේන්තුවේ මහලේකම් ධම්මික දසනායක මහතා ද සහභාගී වූහ.

මෙම හමුව අවසානයේ කථානායකවරයා විසින් රුසියානු තානාපතිවරයාට තේ පැන් සංග්‍රහයක්ද පැවැත්වීය.