පාර්ලිමේන්තුව

කථානායක ගරු කරු ජයසූරිය මහතා මූලසනාරූඪ විය.

ලිපිලේඛනාදිය පිළිගැන්වීම

2015 අංක 16 දරන විසර්ජන පනතේ 6(1) වැනි වගන්තිය යටතේ ජාතික අයවැය දෙපාර්තමේන්තුවේ වැය ශීර්ෂ අංක 240 යටතේ පරිපූරක සහාය සේවා සහ හදිසි අවශ්‍යතා වගකීම් ව්‍යාපෘතිය මඟින්;

(i)   2016.05.18 දින සිට  2016.06.24 දින දක්වා
(ii)  2016.09.26 දින සිට 2016.11.10 දින දක්වා

කරන ලද පරිපූරක වෙන්කිරීම - 2016

පෙත්සම් පිළිගැන්වීම

පහත සඳහන් ගරු පාර්ලිමේන්තු මන්ත්‍රීවරුන් විසින් මහජන පෙත්සම් පිළිගන්වන ලදී:-

(i)    ගරු වජිර අබේවර්ධන මහතා       - පෙත්සම් දහයයි
(ii)   ගරු සජිත් ප්‍රේමදාස මහතා        - පෙත්සම් තුනයි
(iii)  ගරු බුද්ධික පතිරණ මහතා        - පෙත්සම් පහයි

(පෙත්සම් මහජන පෙත්සම් පිළිබඳ කාරක සභාවට යොමු කරනු ලැබේ)

පාර්ලිමේන්තුවේ ස්ථාවර නියෝග අංක 23(2) යටතේ ප්‍රශ්න

ගරු දිනේෂ් ගුණවර්ධන මහතා
කම්කරු දෙපාර්තමේන්තුවේ දියත් වී තිබෙන වෘත්තීය සංගම් ක්‍රියාකාරකම්

අද දින සභාවේ ප්‍රධාන කටයුතු

විසර්ජන පනත් කෙටුම්පත (2017) - කාරක සභාව

2017 විසර්ජන පනත් කෙටුම්පතේ දහතුන්වැනි වෙන් කළ දිනය අදයි - "කාරක සභා අවස්ථාවේ විවාදය".

ගෙවල් කුලී පනත යටතේ නියෝග (අද දින න්‍යාය පත්‍රයේ විෂය අංක 2 වශයෙන් සඳහන් වන)

සභාව විසින් සම්මත කරන ලදී.

සභාව කල් තබන අවස්ථාවේ යෝජනාව

“ශ්‍රී ලංකා මහ බැංකුවේ ඇතැම් වගකීම් සහ කාර්යයන් පුද්ගලීකරණය කිරීම” පිළිබඳ සභාව කල් තබන අවස්ථාවේ යෝජනාව ගරු බන්දුල ගුණවර්ධන මහතා විසින් ඉදිරිපත් කරන ලදී.

අනතුරුව, පාර්ලිමේන්තුව පැය 1900 ට 2016 නොවැම්බර් මස 28 වැනි සඳුදා පැය 0930 දක්වා කල් තබන ලදී.

[අයවැය 2017]

*  මෙය සංස්කරණය නොකරන ලද අනුවාදයකි. මෙදින කටයුතුවල නිල වාර්තාව සඳහා කරුණාකර හැන්සාඩ් වාර්තාව බලන්න.