පාර්ලිමේන්තුව

කථානායක ගරු කරු ජයසූරිය මහතා මූලසනාරූඪ විය.

කථානායකතුමාගේ නිවේදන

‘A’    :  ළමයින් සඳහා වන පාර්ලිමේන්තු සංසදය නැවත ස්ථාපනය කිරීම සඳහා වූ රැස්වීම
‘B’    :  පාර්ලිමේන්තු කටයුතු පිළිබඳ කාරක සභාවේ රැස්වීම

ලිපිලේඛනාදිය පිළිගැන්වීම

(i)    2014 වර්ෂය සඳහා මෝටර් රථ ප්‍රවාහන දෙපාර්තමේන්තුවේ කාර්යසාධන වාර්තාව
(ii)   2016 කෙටුම්පත් ඇස්තමේන්තුවල පාඨ ආදියෙහි යෝජිත වෙනස් කිරීම් ලැයිස්තුව

පෙත්සම් පිළිගැන්වීම

පහත සඳහන් ගරු පාර්ලිමේන්තු මන්ත්‍රීවරුන් විසින් මහජන පෙත්සම් පිළිගන්වන ලදී:-

(i)    ගරු වී. එස්. රාධක්‍රිෂ්නන් මහතා
(ii)   ගරු නිරෝෂන් පෙරේරා මහතා - පෙත්සම් තුනයි
(iii)  ගරු චමින්ද වි‍ජේසිරි මහතා

(පෙත්සම් මහජන පෙත්සම් පිළිබඳ කාරක සභාවට යොමු කරනු ලැබේ)

අමාත්‍යාංශ නිවේදන

දෙමළ දේශපාලනික සිරකරුවන්ට පොදු සමාව පිරිනැමීම සම්බන්ධයෙන් ගරු ඩග්ලස් දේවානන්ද මහතා විසින් ඉදිරිපත් කරන ලද ස්ථාවර නියෝග 23(2) යටතේ ප්‍රශ්නයට විදේශ කටයුතු අමාත්‍ය, ගරු මංගල සමරවීර මහතා විසින් පිළිතුරු සපයන ලදී.

පෞද්ගලික මන්ත්‍රීන්ගේ පනත් කෙටුම්පත්

“ශ්‍රී ලංකා ධීවර හා ජලජ සම්පත් සංගමය (සංස්ථාගත කිරී‍මේ)”

පනත් කෙටුම්පත ඉදිරිපත් කිරීමට ගරු චතුර සන්දීප සේනාරත්න මහතාට අවසර දෙන ලදී.

ස්ථාවර නියෝග 47(5) යටතේ පාර්ලිමේන්තුවට වාර්තා කිරීම සඳහා ඉහත පනත් කෙටුම්පත ධීවර හා ජලජ සම්පත් සංවර්ධන අමාත්‍යතුමා වෙත යොමු කරන ලදී.

අද දින සභාවේ ප්‍රධාන කටයුතු

විසර්ජන පනත් කෙටුම්පත (2016) - කාරක සභාව

2016 විසර්ජන පනත් කෙටුම්පතේ දහවැනි වෙන් කළ දිනය අදයි - "කාරක සභා අවස්ථාවේ විවාදය".

ශ්‍රී ලංකා ප්‍රජාතාන්ත්‍රික සමාජවාදී  ජනරජයේ ආණ්ඩුක්‍රම ව්‍යවස්ථාව යටතේ යෝජනාව

සභාව විසින් සම්මත කරන ලදී.

සභාව කල් තබන අවස්ථාවේ යෝජනාව

“ළමා අයිතිවාසිකම් සුරැකීම සඳහා සුදුසු ක්‍රමවේදයක් ඇති කිරීම” පිළිබඳ සභාව කල් තබන අවස්ථාවේ යෝජනාව ගරු (වෛද්‍ය) නලින්ද ජයතිස්ස මහතා විසින් ඉදිරිපත් කරන ලදී.

අනතුරුව, පාර්ලිමේන්තුව පැය 1900 ට 2015 දෙසැම්බර් මස 4 වැනි සිකුරාදා පැය 0930 දක්වා කල් තබන ලදී.

[අයවැය 2016]

*  මෙය සංස්කරණය නොකරන ලද අනුවාදයකි. මෙදින කටයුතුවල නිල වාර්තාව සඳහා කරුණාකර හැන්සාඩ් වාර්තාව බලන්න.