පාර්ලිමේන්තුව

කථානායක ගරු කරු ජයසූරිය මහතා මූලසනාරූඪ විය.

අමාත්‍යාංශ නිවේදන

“ඇවන්ගාර්ඩ්” සිද්ධිය පිළිබඳව අග්‍රාමාත්‍ය සහ ජාතික ප්‍රතිපත්ති හා ආර්ථික කටයුතු අමාත්‍ය, ගරු රනිල් වික්‍රමසිංහ මහතා සභාවේ දී නිවේදනයක් කළේය.

පෞද්ගලික මන්ත්‍රීන්ගේ පනත් කෙටුම්පත්

“අල්හසන් පදනම (සංස්ථාගත කිරී‍මේ)”

පනත් කෙටුම්පත ඉදිරිපත් කිරීමට ගරු අලී සාහීර් මවුලානා සෙය්යිඩ් මහතාට අවසර දෙන ලදී.

ස්ථාවර නියෝග 47(5) යටතේ පාර්ලිමේන්තුවට වාර්තා කිරීම සඳහා ඉහත පනත් කෙටුම්පත සමාජ සවිබල ගැන්වීම් හා සුභසාධන අමාත්‍යතුමා වෙත යොමු කරන ලදී.

අද දින සභාවේ ප්‍රධාන කටයුතු

විශේෂ වෙළඳ භාණ්ඩ බදු පනත යටතේ නියමයන් දහහතක්

සභාව විසින් අනුමත කරන ලදී.

සභාව කල් තබන අවස්ථාවේ යෝජනාව

“රජයේ සේවකයන්ගේ දීමනා මූලික වැටුපට එකතු කිරීම” පිළිබඳ සභාව කල් තබන අවස්ථාවේ යෝජනාව ගරු (වෛද්‍ය) නලින්ද ජයතිස්ස මහතා විසින් ඉදිරිපත් කරන ලදී.

අනතුරුව, පාර්ලිමේන්තුව පැය 1856 ට 2015 ඔක්තෝබර් මස 22 වැනි බ්‍රහස්පතින්දා පැය 0930 දක්වා කල් තබන ලදී.

*  මෙය සංස්කරණය නොකරන ලද අනුවාදයකි. මෙදින කටයුතුවල නිල වාර්තාව සඳහා කරුණාකර හැන්සාඩ් වාර්තාව බලන්න.