පාර්ලිමේන්තුව

හිටපු පාර්ලිමේන්තු මන්ත්‍රී, අභාවප්‍රාප්ත ගරු එම්. ඒ. අබ්දුල් මජීඩ් මහතා පිළිබඳ ශෝක ප්‍රකාශ යෝජනාව සම්බන්ධයෙන් කථා පවත්වා අවසන් කරන ලදී.


පාර්ලිමේන්තු විශේෂ කාරක සභාව

පාර්ලිමේන්තු සේවයේ ස්වාධීන තත්ත්වය ශක්තිමත් කිරීම පිළිබඳ කරුණු සොයා බලා වාර්තා කිරීම පිණිස වන

කාරක සභාවේ කාල සීමාව 2012 නොවැම්බර් මස 30 වැනි දින දක්වා තව දුරටත් දීර්ඝ කළ යුතු බවට වන යෝජනාව ගරු පාර්ලිමේන්තුවේ සභානායකතුමා විසින් ඉදිරිපත් කරන ලදුව සභාව එකඟ විය.


සභාව කල් තබන අවස්ථාවේ යෝජනාව

"ළමා අපචාර සහ අපයෝජන" පිළිබඳ සභාව කල් තබන අවස්ථාවේ යෝජනාව ගරු රෝසි සේනානායක මහත්මිය විසින් ඉදිරිපත් කරන ලදී.


අනතුරුව, පාර්ලිමේන්තුව පැය 1715 ට 2012 අගෝස්තු මස 10 වැනි සිකුරාදා පැය 1330 දක්වා කල් තබන ලදී.

 

 

 

*  මෙය සංස්කරණය නොකරන ලද අනුවාදයකි. මෙදින කටයුතුවල නිල වාර්තාව සඳහා කරුණාකර හැන්සාඩ් වාර්තාව බලන්න.