පාර්ලිමේන්තුව

කථානායක ගරු මහින්ද යාපා අබේවර්ධන මහතා මූලසනාරූඪ විය.

ජනාධිපතිවරයාගෙන් ලැබෙන සංදේශ

(40 වැනි අධිකාරිය වූ) මහජන ආරක්ෂක ආඥා පනත යටතේ ආඥාව

කථානායකවරයා විසින් කරනු ලබන නිවේදන

A : ආණ්ඩුක්‍රම ව්‍යවස්ථාවේ 79 වැනි ව්‍යවස්ථාව යටතේ පනත් කෙටුම්පතක සහතිකය සටහන් කිරීම
B : මැතිවරණ සහ ඡන්ද විමසීම් ව්‍යුහයේ හා නීති රීතිවල ප්‍රතිසංස්කරණ හඳුනාගැනීමටත්, ඒ සම්බන්ධයෙන් අවශ්‍ය සංශෝධන ඉදිරිපත් කිරීමටත් වන පාර්ලිමේන්තු වි‍ශේෂ කාරක සභාවේ සේවය කිරීම සඳහා අතිරේක මන්ත්‍රීන් පත් කිරීම

ලිපිලේඛනාදිය පිළිගැන්වීම

(i)    2015 සහ 2017 වර්ෂ සඳහා ශ්‍රී ලංකා විදේශ සේවා නියුක්ති කාර්යාංශයේ වාර්ෂික වාර්තා හා ගිණුම්
(ii)    2018 වර්ෂය සඳහා පාරිභෝගික කටයුතු පිළිබඳ අධිකාරියේ වාර්ෂික වාර්තාව

කාරක සභා වාර්තා පිළිගැන්වීම

(i)    වෙළඳ කටයුතු පිළිබඳ අමාත්‍යාංශයීය උපදේශක කාරක සභාවේ වාර්තාව, එම කාරක සභාවේ සභාපති, ගරු (ආචාර්ය) බන්දුල ගුණවර්ධන මහතා විසින් පිළිගන්වන ලදී.
(ii)    වනජීවී හා වන සංරක්ෂණ කටයුතු පිළිබඳ අමාත්‍යාංශයීය උපදේශක කාරක සභාවේ වාර්තාව, එම කාරක සභාවේ සභාපති, ගරු සී.බී. රත්නායක මහතා විසින් පිළිගන්වන ලදී.

පෙත්සම් පිළිගැන්වීම

(i)    ගරු රෝහණ දිසානායක මහතා                    
(ii)    ගරු අශෝක් අබේසිංහ මහතා       -   පෙත්සම් දෙකයි
(iii)    ගරු අසංක නවරත්න මහතා         -   පෙත්සම් දෙකයි  
                 
(පෙත්සම් මහජන පෙත්සම් පිළිබඳ කාරක සභාවට යොමු කරනු ලැබේ)

පාර්ලිමේන්තුවේ ස්ථාවර නියෝග 27(2) යටතේ ප්‍රශ්න

(i)    ගරු සජිත් ප්‍රේමදාස මහතා
කොවිඩ් වසංගතය හේතුවෙන් සුළු හා මධ්‍යම පරිමාණ ව්‍යවසායකයින්ට මුහුණ දීමට සිදු වී ඇති ගැටලු

(ii)    ගරු ජී. ජී. පොන්නම්බලම් මහතා
අනුරාධපුර බන්ධනාගාරයට රාජ්‍ය අමාත්‍යවරයෙක්ගේ පැමිණීම නිසා දෙමළ සිරකරුවන්ට ඇති වූ තර්ජනය

අධිකරණ අමාත්‍ය, ගරු එම්. යූ. එම්. අලි සබ්රි මහතා ඉහත ප්‍රශ්නයට පිළිතුරු දුන්නේ ය.

අමාත්‍යාංශ නිවේදන

මාලදිවයිනට වැලි යවන බවට වන ප්‍රකාශයක් සම්බන්ධයෙන් පරිසර අමාත්‍ය, ගරු මහින්ද අමරවීර මහතා අමාත්‍යාංශ නිවේදනයක් කළේය.

පෞද්ගලික මන්ත්‍රීන්ගේ පනත් කෙටුම්පත්

“ඉන්දිරා පිළිකා භාරය (සංස්ථාගත කිරීමේ)”

නමැති පනත් කෙටුම්පත ඉදිරිපත් කිරීමට ගරු මනූෂ නානායක්කාර මහතාට අවසර දෙන ලදී.

අද දින සභාවේ ප්‍රධාන කටයුතු

පහත සඳහන් විෂයන් (අද දින න්‍යාය පත්‍රයේ විෂය අංක 1 සහ 2 වශයෙන් සඳහන් වන) සභාව විසින් අනුමත කරන ලදී:-

(i)    පාරිභෝගික කටයුතු පිළිබඳ අධිකාරිය (සංශෝධන) පනත් කෙටුම්පත
(ii)    වන සත්ව හා වෘක්ෂලතා ආරක්ෂක ආඥාපනත යටතේ නියෝග

සභාව කල් තබන අවස්ථාවේ ප්‍රශ්න

පහත සඳහන් පාර්ලිමේන්තු මන්ත්‍රීවරුන් විසින් ප්‍රශ්න දෙකක් අසන ලදී:-

(i)    ගරු මුජිබුර් රහුමාන් මහතා
(ii)    ගරු රෝහණ දිසානායක මහතා

සභාව කල් තබන අවස්ථාවේ යෝජනාව

“ශ්‍රී ලංකාව සම්බන්ධයෙන් එක්සත් ජාතීන්ගේ මානව හිමිකම් මහ කොමසාරිස්වරියගේ ප්‍රකාශය” පිළිබඳ සභාව කල් තබන අවස්ථාවේ යෝජනාව ගරු මනූෂ නානායක්කාර මහතා විසින් යෝජනා කරන ලදී.

අනතුරුව, පාර්ලිමේන්තුව පැය 1739 ට 2021 ඔක්තෝබර් මස 4 වැනි සඳුදා පැය 1000 දක්වා කල් තබන ලදී.

*  මෙය සංස්කරණය නොකරන ලද අනුවාදයකි. මෙදින කටයුතුවල නිල වාර්තාව සඳහා කරුණාකර හැන්සාඩ් වාර්තාව බලන්න.