මෙය පාර්ලිමේන්තුවෙහි ඇති මූල්ය කාරක සභා දෙකෙන් එකකි. එය තේරීම් කාරක සභාව විසින් නම් කරනු ලබන මන්ත්රීවරුන් දොළොස් දෙනකුගෙන් සමන්විත වෙයි. මෙම කාරක සභාවේ කාර්යය වන්නේ පොදු විය හියදම් සඳහා පාර්ලිමේන්තුව විසින් දෙනු ලබන මුදල් ඒ ඒ කටයුතුවලට යෙදැවුණු අන්දම දැක්වෙන ගිණුම් පරීක්ෂා කිරීමය.
රජයේ ගිණුම් පිළිබඳ කාරක සභාවේ කාර්යභාරය වනුයේ රජයේ, එහි අමාත්යාංශවල, දෙපාර්තමේන්තුවල, පළාත් සභාවල, හා පළාත් පාලන ආයතනවල කළමනාකරණ කාර්යක්ෂමතාව හා මූල්ය විනය පිළිබඳ සොයා බැලීමයි. ස්ථාවර නියෝග 125 යටතේ සාමාජිකයින් 24 දෙනෙකුගෙන් සමන්විත මෙම කාරක සභාව, එක් එක් පාර්ලිමේන්තු සැසිවාරයක් ආරම්භයේදීම ස්ථාපිත කෙරේ. එය පාර්ලිමේන්තුවේ පක්ෂ සංයුතිය පිළිබිඹු කරන අතර එහි ගණපූරණය 04කි.
රජයේ ගිණුම් පිළිබඳ කාරක සභාවේ කාර්ය භාරය වනුයේ පාර්ලිමේන්තුව විසින් වෙන් කරනු ලබන මුදල් වෙළුම් 06 කින් යුත් විගණකාධිපතිවරයාගේ වාර්තාව සමග පරීක්ෂා කිරීමයි. සිය කටයුතු ඉටු කිරීමේදී කාරක සභාවේ ප්රධාන ගණන් දීමේ නිලධාරීන් වන අදාල අමාත්යාංශවල ලේකම්වරුන්, දෙපාර්තමේන්තු ප්රධානීන් හා වගකිවයුතු අනෙකුත් නිලධාරීන් යන අයගෙන් සාක්ෂි ලබා ගනී. එසේම කාරක සභාව රාජ්ය මූල්ය, රාජ්ය ගිණුම් හා ජාතික අයවැය යන දෙපාර්තමේන්තුවල අධ්යක්ෂ ජනරාල්වරුන් හෝ ඔවුන් විසින් නම් කරනු ලබන නියෝජිතයන් නිතිපතා කාරක සභාව හමුවට කැඳවයි.
සිය අමාත්යාංශ යටතේ ඇති දෙපාර්තමේන්තුවල මූල්ය කටයුතු පිළිබඳ පැහැදිලි කිරීම් හා සාධාරණීකරණයන් කිරීම පිණිස පෞද්ගලිකව කාරක සභාව හමුවේ පෙනී සිටීම ප්රධාන ගණන් දීමේ නිලධාරියාගේ වගකීමයි.
අමාත්යාංශ වලට හා රජයේ දෙපාර්තමේන්තු වලට කරනු ලබන නියෝග කාරක සභාවේ නිර්දේශවලට ඇතුළත් විය හැකි අතර ඒවා පාර්ලිමේන්තුව විසින් නිකුත් කරනු ලබන නියෝග ලෙස සැලකේ.
කාරක සභාවේ වාර්තාවල පිටපත් අමාත්යාංශ, දෙපාර්තමේන්තු පළාත් සභා හා පළාත් පාලන ආයතනයන්හි අදාළ නිලධාරීන් අතර බෙදා දෙනු ලබයි.
නිදහසේ සිට මේ දක්වා පහත නම් සඳහන් මන්ත්රීවරුන් රජයේ ගිණුම් පිළිබඳ කාරක සභාවේ සභාපතිත්වය දරා ඇත.
අටවැනි පාර්ලිමේන්තුවේ රජයේ ගිණුම් පිළිබඳ කාරක සභාව
නම
අනූෂා සී.පී. සූරියප්පෙරුම
දුරකථන
011 2777382
ෆැක්ස්
011 2777559
ඊ-මේල් ලිපිනය
pac@parliament.lk
ශ්රී ලංකා ප්රජාතාන්ත්රික සමාජවාදී ජනරජයේ අටවැනි පාර්ලිමේන්තුව | 1 වැනි සභාවාරය
දිනය: 2020-03-02
